Erməniləri ən çox öldürən silah

Gəncləri Ermənistandan qaçmağa məcbur edən yeni səbəb

Artıq Ermənistan xərçəng üzrə dünya lideridir.

Bu barədə Ermənistanın keçmiş təbiəti mühafizə naziri Karine Danielyan bildirib.

"Dünya Səhiyyə Təşkilatının (DST) məlumatına görə, bu il biz Zambiyadan sonra ikinciyik. Heç kim bu barədə narahat olmur və sual vermir ki, səbəb nədir", - deyə Karine Danielyan vurğulayıb.

Əslində, son bir neçə ildə Ermənistan həmişə bu məsələ üzrə dünya lideri olub. Bir neçə il qabaq DST məhz belə bir məlumat yaymışdı. Lakin Ermənistan Səhiyyə Nazirliyi buna etiraz edib və iddia edib ki, DST Ermənistanın əhali sayını düzgün göstərməyib. DST-nin saytında Ermənistanın əhalisi 2 milyon 969 min göstərilib. Amma Ermənistan Səhiyyə Nazirliyi ölkədə 3 milyon adamın yaşadığını iddia edib.

DST-nin dərc elədiyi rəqəmlər isə daha dəhşətlidir. Məsələn, 2014-cü ildə Ermənistanda 37 min ölüm qeydə alınıb, bunun 8 min 100-ü, yəni 22 faizi xərçəngin payına düşüb.

Karine Danielyanın dediyindən belə anlaşılır ki, əsas problem bu sahə üzrə heç bir elmi tədqiqatın aparılmamasından, dövlət hesabına müalicənin təşkil edilməməsindən qaynaqlanır. Çünki Ermənistan işğal etdiyi Azərbaycan torpaqlarını əlində saxlamaq üçün silahlanmağa məcburdur. Həmin silahlar yetərincə bahadır və onların içində "İsgəndər" kimi qiyməti milyard dolları keçən komplekslər var. Ermənistan silaha xərclədiyi vəsaiti gizli saxlasa da, son 1 ildə Rusiyadan silah üçün 200 milyard dollar kredit aldığı məlumdur. Hazırda növbəti kredit barədə danışıqlar gedir.

Əslində isə Ermənistanın real əhali sayı 1,9 milyon ətrafında dəyişir, bunun 0,5 milyonu əmək miqrantı kimi ilin əsas hissəsini Rusiyada keçirir, ölkədə real olaraq 1,4 milyon adam yaşayır. 1 milyon adam isə 1992-ci ilə kimi Ermənistanda yaşamış və müstəqillik illərindən sonra oranı tərk etmiş "ölü canlar"dır. Onlar on illərdir ki, Ermənistana gəlmirlər və çox hissəsi dünyasını dəyişib. Amma İrəvan siyasi məqsədlərlə həmin adamları qeydiyyatdan çıxarmır.
Bunun əvəzində isə Ermənistanın təhsilə və elmə ayırdığı vəsaitlər ildən ilə azaldılır. Ermənistan hökumətinin orta müddətli proqramına görə, 2018-ci - 2020-ci illərdə təhsilə və elmə ayrılan vəsaitlərin ümumi daxili məhsuldakı (ÜDM) payı kəskin azalacaq. 2017-ci ildə bu vəsaitlər ÜDM-in 2,34%-ini təşkil edir, 2018-ci ildə bu, 2,18%-ə, 2019-cu ildə 1,99%-ə, 2020-cu ildə isə 1,85% olacaq.

Ermənistan Milli Elmlər Akademiyasının müxbir üzvü, professor Artur İşxanyan bunun dəhşətli nətiəcələrə səbəb olacağını bildirir.

Ermənilərin Qarabağ qorxusunun əsas sirri
Onun sözlərinə görə, artıq Ermənistanda orta yaşlı alim yoxdur. Çünki elm sahəsi artıq cazibədar sayılmır, gənc kadrlar ailələrini dolandıra bilmirlər və ölkəni tərk etməyə məcbur olurlar.

Həm də erməniləri ən çox öldürən silahın məhz Ermənistan hakimiyyətinin digər sahələrdən - səhiyyədən, elmdən və təhsildən pul kəsərək aldığı silah olduğu ortaya çıxır.

Mənbə:İstiPress

Telegramda izləyin

instagramda izləyin