Oğurluğa görə tutulan futbolçu azadlığa çıxdı

Oğurluğda təqsirkar bilinən futbolçu "Sumqayıt" klubunun futbolçusu Nicat Muxtarov artıq azadlığa çıxıb.

"Qafqazinfo"nun məlumatına görə, o, artıq 3 gündür ki, sərbəst buraxılıb.

Sentyabr ayı ərzində müxtəlif vaxtlarda Sumqayıt telekommunikasiya qovşağına məxsus ümumilikdə 695 metr hava rabitə kabelinin kəsilərək oğurlanmasında şübhəli bilinən şəhər sakinləri Nicat Muxtarov, Ümidvar Adıgözəlov, Aqşin Mehdiyev və əvvəllər məhkum olunmuş Nurlan Paşayev tutulub.

Qeyd edək ki, hadisədən sonra dəstə üzvləri kabelləri A.Mehdiyevin avtomobilinə qoyaraq dəniz kənarında yandırıblar və mis halında Sumqayıt şəhərində yerləşən əlvan metal qəbulu məntəqələrinə satıblar.

Telegramda izləyin

instagramda izləyin