Bakı əhalisinə istiliyin verilməsi ilə bağlı RƏSMİ AÇIQLAMA

Bakı əhalisinə istiliyin verilməsi ilə bağlı RƏSMİ AÇIQLAMA"Noyabr ayının 15-dən payız-qış mövsümünə start verilir. "Azəristiliktchizat"ın balansında olan qazanxana, istilik məntəqəsi, məhəlli və magistral xətləri mövsümə tam hazırdır".
Bu barədə Sonxeber.az-a "Azəristiliktəchizat" Açıq Səhmdar Cəmiyyətinin (ASC) abonentlərə xidmət şöbəsinin müdiri Rafiq Əliyev məlumat verib.
R.Əliyev bildirib ki, yerli istilik sistemi və istismar sahələrinə sabahdan bütün qazanxanaların qrafikə uyğun olaraq işə başlaması ilə bağlı göstəriş verilib:
"Bu il "Azəristiliktəchizat"ın mənbələrindən 545 qazanxana vasitəsilə, 3752 yaşayış binası, eyni zamanda layihə üzrə bizim mənbələrdən istiliklə təminatı nəzərdə tutulan bütün məktəblər, sosial obyektlər və səhiyyə müəssisələrinin istiliklə təmin edilməsinə başlanılacaq".

Şöbə müdiri bildirib ki, noyabrın 15-i səhər saatlarından artıq qazanxanalar işə salınacaq/ Səhər saatlarından istilik sisteminin verilməsinə başlanılacaq. Yaxın 2-3 gün ərzində bütün binalar istiliklə təchiz ediləcək. Artıq sistemin xətləri yoxlanılıb, nasazlıqlar tam aradan qaldırılıb və xətlər hazır vəziyyətə gətirilib".

Onun sözlərinə görə, iki gün ərzində xətlərdə suyun təzyiqi nizamlanacaq, istilik dərəcəsi normallaşdırılandan sonra binalar istiliklə təmin olunacaq.

Aysel Kərimova

Sosial   Baxılıb: 1039   Tarix: 14 noyabr 2017  
Facebookda Paylaş




DİGƏR MARAQLI XƏBƏRLƏR



vipemlak.az