Sumqayıtda avtobuslara hücumun TƏFƏRRÜATI – VİDEO

Noyabrın 15-də axşam saatlarında Sumqayıtda 7 və 7 A saylı marşrut xətti üzrə hərəkət edən avtobuslara hücum edilib. Hadisə şəhərin İsmət Qayıbov küçəsində baş verib. Nəticədə 3 avtobusun şüşəsi yararsız hala düşüb. Xəsarət alan olmayıb.

Avtobuslardan birinin sürücüsü Vidadi Şükürov baş verən hadisəni belə xatırlayır: "Axşam saat 18:25 radələrində İsmət Qayıbov küçəsində hərəkət zamanı maşında gurultu səsi gəldi. Bu zaman avtobusun salonunda sərnişinlər səs-küy qaldırdı. Mən avtobusu idarə etdiyimdən nə baş verdiyini başa düşmədim. Sərnişinlər dedilər ki, şüşəni sindırdılar. Avtobusu kənara çəkib saxladım. Nə baş verdiyini öyrənmək üçün düşüb baxdım ki, avtobusun şüşəsi çilik-çilik olub. Sərnişinlər arasında isə xəsarət alan yox idi. Sonra isə aidiyyatı qrurumlara hadisə barəsində məlumat verdim."

Yerli KİV-lərdə naməlum şəxsin Sumqayıtda avtobusu atəşə tutması ilə bağlı məlumatlar yayılıb. Baş Prokurorluq marşrut avtobusunun atəşə tutulması barədə xəbərlərin həqiqəti əks etdirmədiyini bildirib. Hazırda inzibati xətanı törədən şəxs və ya şəxslərin müəyyən olunaraq tutulması istiqamətində zəruri tədbirlər davam etdirilir.

Telegramda izləyin

instagramda izləyin