Azərbaycanda 28 yaşlı iki uşaq atası niyə özünü asdı? - Ürəkdağlayan təfərrüat

Lənkəran rayonunun Girdəni kəndində özünü asaraq öldürən iki uşaq atası Şərafəddin İsmayılovla bağlı bəzi məlumatlar ortaya çıxıb.

Sonxeber.az- ın kənd sakinlərindən əldə etdiyi məlumata görə, iki gün əvvəl Şərafəddin İsmayılovun həyat yoldaşı ilə narazılığı yaranıb. Yoldaşı ilə davadan sonra o uşaqlarını götürüb atası evinə getmişdi. Həyat yoldaşı rayonun Şovu kəndindəndir. Dünən isə Girdəni kəndinə gələrək uşaqlarının paltarlarını götürüb yenidən atası evinə qayıdıb. Bir qızı və oğlu var. Heç yerdə işləmirdi. İki ay əvvəl işləmək üçün Rusiya Federasiyasına getmişdi. İşi alınmadığına görə yenidən Azərbaycan qayıtdı. Hər ikisi də orta təhsillidir.

"Şərafəddin İsmayılov ailədə 4 bacı bir qardaşdırlar. Bacıları ailəlidir. Onun anası isə hazırda Bakıda təndirxanada işləyir. Hadisə baş verən gün evdə oğlanla atası olub. Yoldaşı uşaqları ilə birgə isə atası evində olub. Atası ürək xəstəsidir. Onun sözlərinə görə, gecə oğlu evə gəlməyib. Gecə saat ikiyə qədər oğlunu gözləsə də Şərafəddin evə gəlməyib. Səhər saat 8-də görüb ki, o həyətdəki təndirxanada özünü asıb. Atası anasına zəng edib oğlunun rəhmətə getdiyini deyib, hazırda o rayona qayıdır. Hadisə baş verəndən sonra yoldaşı hələ ərinin yaşadığı evə gəlməmişdi".

Qeyd edək ki, Lənkəran rayonunun Girdəni kəndində 1990-cı il təvəllüdlü Şərafəddin Rafael oğlu İsmayılov yaşadığı evin həyətindəki yarımtikilidə özünü asaraq intihar edib.

Faktla bağlı araşdırma aparılır.

Aysel Kərimova

Telegramda izləyin

instagramda izləyin