Bəşər Əsədin övladları Rusiyada dincəliblər

Suriya prezidenti Bəşər Əsədin övladları ötən il istirahət müddətini Rusiyada keçiriblər.

Bu haqda Bəşər Əsədin özü risyalı deputatlarla görüşdə bildirib. Suriya prezidenti deyib ki, övladları ötən il Rusiyadakı məşhur Artek" düşərgəsində dincəliblər.

Bəşər Əsəd deyib ki, həmin səfər nəticəsində övladları Rusiyanı daha yaxşı tanıyıblar.

Bəşərin həyat yoldaşı Əsma Londonda doğulub və boya-başa çatıb. Orada Kral kollecini bitirən Əsma kompüter elmləri və fransız ədəbiyyatı üzrə diplom alıb. O, ərəb, ingilis, ispan və fransız dillərini sərbəst bilir.

Təhsilini bitirdikdən sonra Əsma nüfuzlu banklarda və şirkətlərədə kompüter mütəxəssisi işləyib. O, Bəşər Əsədlə Suriyaya tətilə gələn zaman tanış olub.
Bəşər Əsədin toyu 2000-ci ildə olub. Evlənən zaman Əsmanın 20 yaşı, Bəşərin isə 30-dan bir qədər yuxarı yaşı var idi.

Bəşər Əsədin üç uşağı – iki oğlu və bir qızı doğulub. Böyük oğlunu atasının şərəfinə Hafiz adlandırıb. Ondan kiçik Kərim adlı oğlu və və Zen adlı qızı var.

modern.az

Telegramda izləyin

instagramda izləyin