Bakıda yaşlı qadını beşbarmaqla vurub qaçan şəxs AXTARIŞA VERİLDİ

Bakıda yaşlı qadını beşbarmaqla vurub qaçan şəxs AXTARIŞA VERİLDİBakının Nəsimi rayonunda quldurluq hadisəsi baş verib.

Sonxeber.az "Report"a istinadən bildirir ki,1969-cu il təvəllüdlü Osmatova Nəsibə Şah İsmayıl qızı "Memar Əcəmi" metrostansiyası istiqamətində gedərkən Cavadxan küçəsi, 29 ünvanında tanımadığı şəxsin hücumuna məruz qalıb.

Naməlum şəxs əvvəlcə qadının üz nahiyəsinə soyuq silah hesab edilən beşbarmaqla zərbə vurub. Daha sonra o, N.Osmatovanın əl çantasını götürərək hadisə yerindən qaçıb.

Ağır xəsarət alan yaşlı qadın 1 saylı Kliniki Tibbi Mərkəzə yerləşdirilib.

Nəsimi Rayon Polis İdarəsinin 19-cu Polis Bölməsinin əməkdaşları hadisənin baş verdiyi əraziyə cəlb edilib.

Quldurluq etməkdə şübhəli bilinən şəxsin axtarışına başlanılıb.

Hadisə   Baxılıb: 1123   Tarix: 09 avqust 2018  

Şikayətiniz varsa Whatsapp: 050 3422489

Facebookda Paylaş



Unvan.az - elanlar sayti

DİGƏR MARAQLI XƏBƏRLƏR