"ABŞ və Azərbaycan Avropa üçün Rusiya qazını əvəz edəcək"

Bu fikirlər "The Hill" qəzetindəki məqalədə yer alıb.

ABŞ-ın nüfuzlu "The Hill" qəzetində Azərbaycan və ABŞ qazı ilə bağlı məqalə dərc olunub. Raul Loueri Kontreras adlı siyası şərhçinin məqaləsində deyilir ki, ABŞ və Azərbaycanda qaz hasilatının artımı enerjidən asılı olan Avropaya Rusiya qazının satış həcminin azalmasına səbəb olur.

"ABŞ və Azərbaycanda qaz hasilatının artımı enerjidən asılı olan Avropaya Rusiya qazının satış həcminin azalmasına səbəb olur. Bu isə Rusiyanın Şərqi Avropada həm iqtisadi, həm də siyasi nüfuzunun zəifləməsinə gətirib çıxaracaq. Azərbaycanda qaz hasilatının intensiv şəkildə artması və onun qərb istiqamətinə daşınması Avropanı qane edir", - deyə Kontreras qeyd edib.

Məqalə müəllifi xatırladır ki, ötən ay içərisindən 6 milyard kubmetr qazın Türkiyəyə, 10 milyardın isə Avropaya nəql ediləcəyi Trans Anadolu qaz boru kəmərinin (TANAP) bünövrəsinin qoyulması mərasimi baş tutub.

Müəllifin fikrincə, Azərbaycan qazının bu həcmi Avropada Rusiya qazına olan tələbatı aşağı salacaq./olkeaz

Telegramda izləyin

instagramda izləyin