Türkiyədə yaşlı namizəd seçkilər bitmədən özünü qalib elan edib

Türkiyənin şərqindəki Elazığ vilayətində bələdiyyə seçkilərində namizəd olan İrfan Gezvur səsvermə bitmədən özünü qalib elan edib.

"Report" "Haber Global" telekanalına istinadən xəbər verir ki, Gezvur yenidən İcadiyə mahalında bələdiyyə sədrliyinə namizədliyini irəli sürüb.

Onun bölgəsində bu vəzifə üçün yarışmaq istəyən başqa heç kim yoxdur.

"Yeganə namizəd olduğum üçün fəxr edirəm. Ümid edirəm ki, seçkilər insidentsiz keçəcək. Rəqibim olmadığı üçün qələbəmi elan etdim. Səslər hesablandıqdan sonra bunu rəsmən açıqlayacağam", - Gezvur deyib.

Qeyd edək ki, Türkiyədə qarşıdan gələn beş il ərzində xidmət göstərəcək yerli özünüidarə orqanlarına seçkilər keçirilir. Bu seçkilərdə ölkənin otuzu böyük şəhər olmaqla 81 vilayət, 973 rayon və 390 qəsəbəsində bələdiyyə şuralarının başçıları və tərkibi, həmçinin 50 min 336 kənd və məhəllə muxtarı müəyyən ediləcək.

Ümumilikdə 61 milyon 441 min 882 səsvermə hüququna malik Türkiyə vətəndaşından 1 milyon 32 min 610 nəfəri bu seçkilərdə ilk dəfə səs verəcək.

AK Parti, Milliyyətçi Hərəkat (MHP), Böyük Birlik və Yenidən Rifah partiyalarından ibarət Cumhur İttifaqının İstanbul Böyükşəhər Bələdiyyə sədrliyinə namizədi ölkənin sabiq ətraf mühit və şəhərsalma naziri Murat Kurum, Ankara üzrə namizədi isə türk siyasətçi və paytaxtın Keçiören Rayon Bələdiyyəsinin mövcud sədri Turqut Altınokdur.

Türkiyənin ən böyük müxalif Cümhuriyyət Xalq Partiyasının İstanbul və Ankara üzrə namizədləri isə hazırkı bələdiyyə sədrləri Əkrəm İmamoğlu və Manasur Yavaşdır.

Telegramda izləyin

instagramda izləyin