Arvadını və iki uşağını öldürüb, intihar edən kişinin məktubu TAPILDI

İspaniyanın Barselona şəhərində bir kişi həyat yoldaşını və iki uşağını öldürdükdən sonra intihar etdi.

Sonxeber.az xarici mediaya istinadən xəbər verir ki, həyat yoldaşını, 8 yaşlı oğlunu və qızını öldürən şəxs daha sonra həyatına son qoyub.

Barselonanın El Prat de Llobregat bölgəsində baş verən hadisədə 43 yaşlı kişinin özünü qatarın qarşısına ataraq intihar etdikdən sonra araşdırma başladılıb. Araşdırma zamanı kişinin daha əvvəl həyat yoldaşını və uşaqlarını boğaraq öldürdüyü məlum olub.

Polis qrupları 3 saat sonra kişinin evinə gedib. Onlar mənzildə iki uşağın və qadının cəsədləri ilə qarşılaşıblar. Axtarış zamanı polis intihar edən atanın məktubunu tapıb. Qeyddə "Məni bağışlayın" yazılıb.

Hadisə ilə bağlı araşdırma başladılıb.

Telegramda izləyin

instagramda izləyin