"İkinci xəbərdarlıq olmayacaq" - İlham Əliyev

"İkinci xəbərdarlıq olmayacaq" - İlham Əliyev"Bakı şəhərində və digər şəhərlərdə qanunsuz tikililərə son qoyulmalıdır və son qoyulur".

Sonxeber.az xəbər verir ki, Azərbaycan Respublikasının Prezidenti İlham Əliyev oktyabrın 9-da Nazirlər Kabinetinin 2018-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunan iclasında bildirib.

"Ölkəmizin ekoloji vəziyyətinin yaxşılaşdırılması üçün işlər görülür, təhlil aparılır. İlk növbədə, neftlə çirklənmiş ərazilər təmizlənir. Ekologiya və Təbii Sərvətlər Nazirliyinə müvafiq göstəriş verilib, vəsait ayrılıb. Abşeron yarımadasında neftlə çirklənmiş yerlər tam təmizlənəcək, həmin yerlərdə bağlar, yaşıllıqlar, göllər salınacaq. Bu işlər gedir, gələn il də nəzərdə tutulur. Xəzərin sahilində yeni təmizləyici qurğuların yaradılması istiqamətində işlər gedir. Burada da vəziyyət bizi tam qane edə bilməz. Havanı çirkləndirən məişət obyektlərinə ciddi xəbərdarlıq edilib. Axşam saatlarında Bakı şəhərini tüstü bürüyür. Şadlıq evlərində tüstü təmizlənmədən havaya sovrulur. Ona görə, çox ciddi xəbərdarlıq edilib, kim əməl etməyəcəksə, o şadlıq evinin, məişət obyektinin qapısı bağlanacaq. Mən tapşırmışam ki, bunun üçün hüquqi əsaslar hazırlansın. Bildiyimə görə, birinci xəbərdarlıqdan sonra bir çox məişət obyektləri təmizləyici qurğuları quraşdırmağa başlayıblar. Onların hamısına məsləhətim ondan ibarətdir ki, bu işi tezləşdirsinlər. Çünki ikinci xəbərdarlıq olmayacaq, bir də görəcəklər ki, əldən çıxdı. Ona görə, tezliklə bütün böyük-kiçik məişət obyektlərində havanı çirkləndirən, havaya tüstü, kanserogen buraxan obyektlərdə təmizləyici qurğular quraşdırılmalıdır, müvafiq qurumlar monitorinq aparmalıdır. Mən Bakı Şəhər İcra Hakimiyyətinə, Ekologiya və Təbii Sərvətlər Nazirliyinə göstəriş verdim ki, mənə dərhal məlumat verilsin və dərhal ölçü götürüləcək", – dövlət başçısı qeyd edib.

Prezident İlham Əliyev deyib ki, ağacların kəsilməsi halları azalıb, amma tam aradan qaldırılmayıb. Bir daha demək istəyirəm ki, Ekologiya və Təbii Sərvətlər Nazirliyinin rəyi olmadan əgər kimsə bir ağac kəsirsə, onda özündən küssün".

"Bakı şəhərində və digər şəhərlərdə qanunsuz tikililərə son qoyulmalıdır və son qoyulur. Müvafiq Sərəncam imzalanıb, Dövlət Şəhərsalma və Arxitektura Komitəsinin icazəsi olmadan bir dənə də bina tikilə bilməz. Bu məsələ ilə bağlı mən əvvəllər də fikirlərimi bildirmişəm. Bu gün deyə bilərəm ki, artıq bu məsələ öz həllini tapıb. Çünki əvvəlki dövrlərdə təqsiri bələdiyyələr rayon icra hakimiyyətlərinin, rayon icra hakimiyyətləri Bakı Şəhər İcra Hakimiyyətinin, Bakı Şəhər İcra Hakimiyyəti bələdiyyələrin, yəni, bir-birinin üstünə atırdılar. Amma əslində hamısı əlbir idilər. Çünki qanunsuz tikililərdən böyük qazanc əldə edirdilər. Buna son qoyulub, artıq Sərəncam imzalanıb. Yəni, bu qaydanı pozan cinayət məsuliyyətinə cəlb ediləcək və qanunsuz tikilən binalar dərhal söküləcək.

Bakı dünyanın ən gözəl şəhərlərindən biridir və kiminsə tamahı naminə biz şəhərimizi eybəcər hala sala bilmərik. Şəhərsalma qaydaları var, mərtəbələrin yerə görə hündürlüyü var. Hava axınının müvafiq qaydaları var. Bizdə isə bu, pozulurdu. Elə bil ki, böyük bir sədd tikirdilər. Havanın keçməsi üçün heç bir imkan qalmırdı, həyətlərdə ağacları qırıb binalar tikirdilər. Yerli orqanlar buna həm göz yumurdular, həm də yəqin ki, əlbir idilər. İndi buna son qoyulub. Mən bunu bildirmək istəyirəm. Vətəndaşlara da mən müraciət etmək istəyirəm, ilk növbədə, təşəkkürümü bildirmək istəyirəm. Çünki bir çox hallarda vətəndaşların fəallığı nəticəsində o tamahkar adamlar istədiklərinə nail ola bilməmişlər. Çünki vətəndaşlar dururdular, keşik çəkirdilər, qoymurdular, xəbər verirdilər və onların fəallığını mən alqışlayıram. Dəfələrlə demişəm ki, ictimai nəzarət güclü olmalıdır, artıq biz bunu görürük. Ona görə, bir daha vətəndaşlara müraciət edirəm. Əgər haradasa görsələr ki, qanunsuz nəsə tikilir, dərhal məlumat versinlər, ilk növbədə, Dövlət Şəhərsalma və Arxitektura Komitəsinə, Bakı Şəhər İcra Hakimiyyətinə və Prezident Administrasiyasına. Bu sahədə də qayda-qanun yaradılır", – dövlət başçısı vurğulayıb.


Sonxeber.az Telegramda izləyin
Siyasət   Baxılıb: 2956   Tarix: 10 oktyabr 2018  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Prezident İlham Əliyev nazirləri topladı

Azərbaycan Prezidenti İlham Əliyevin sədrliyi ilə oktyabrın 9-da Nazirlər Kabinetinin 2018-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib.. . Sonxeber.az xəbər verir ki, dövlət başçısı iclası giriş nitqi ilə açıb.. . Sonra vergilə

9 oktyabr 2018

"Rusiya başa düşür ki, Paşinyanı devirsə, vətəndaş müharibəsi başlayar"

Ermənistanın Baş naziri Nikol Paşinyan parlament seçkilərinin tarixini qabağa çəkməklə doğru addım atdı.. . Bunu Teleqraf.com-a açıqlamasında politoloq Elxan Şahinoğlu deyib.. . Onun sözlərinə görə, seçkilərin dekabrda baş tutması Paşinyanın maraqlarına cavab verir:. . "Çünki İrəvanda keçirilmi

9 oktyabr 2018

"Həccə getməklə deputat olmaq olsaydı..." – Şeyxin qudası

"Azərbaycanda çox az adam var ki, Kəbə Evinin içində olub. Cənab Prezident İlham Əliyev üç dəfə Kəbə Evini ziyarət edib. Allaha şükürlər olsun ki, mənə də bu şans iki dəfə nəsib olub".. . Bu sözləri azxeber.com-a açıqlamasında Milli Məclisin sabiq deputatı, Şeyxin qudası Qalib Salahzadə söyləyib.

9 oktyabr 2018

Paşinyanın xanımı Qarabağa qanunsuz gəlməklə əslində.... - Millət vəkili AÇIQLADI

"Burada Rusiyanın deyil, erməni lobbisinə xidmət edən rusların dəstəyi var".. . Bu fikirləri Ermənistanın baş naziri Nikola Paşinyanın həyat yoldaşının bir neçə rus qadınını başına toplayaraq Qarabağa səfərini Publika.az-a şərh edən millət vəkili Aydın Mirzəzadə dilə gətirib.. . Onun sözlərin

9 oktyabr 2018

Paşinyan üçün yeganə çıxış yolu Azərbaycandır - Deputat AÇIQLADI

"Ermənistanda aprel ayından başlayan siyasi proseslər məntiqi yekuna çatmalı idi, bunun üçün isə hakimiyyətin bir əldə cəmlənməsi, bütün vektorlar üzrə vahid komandada birləşməsi zəruri hala çevrilib. Buna görə də növbədənkənar parlament seçkilərinin keçirilməsi labüd idi".. . Bu sözləri Publika.az-

9 oktyabr 2018

Müsəlmanlara niyə Nobel verilmir? – Deputatdan ilginc şərh

İlin Nobel mükafatlarının hansısa nominasiyasında qaliblərin içində yenə də müsəlman və türk adlarına rast gəlmədik. Nobel Komitəsinin qərəzliliyi, islamafobiya və türkəfobiyası onsuz da dillər əzbəridir.. . Sonxeber.az xəbər verir ki, bu sözləri deputat Fazil Mustafa "Facebook" səhifəsind

9 oktyabr 2018

Ərdoğandan Səudiyyə Ərəbistanına SƏRT SÖZLƏR

Səudiyyə Ərəbistanının İstanbuldakı Baş konsulluğunda yoxa çıxan səudiyyəli jurnalist Camal Qaşıqçı ilə bağlı müəmma və qarşılıqlı ittihamlar davam edir.. . Publika.az "Milliyyət" nəşrinə istinadən xəbər verir ki, mövzu ilə bağlı növbəti bəyanat Türkiyə prezidenti Rəcəb Tayyib Ərdoğandan gəlib.

9 oktyabr 2018

O siyasətçilərə qarşı sərt tədbirlər görülməlidir - DEPUTAT

"Ermənistan baş nazirinin həyat yoldaşının Rusiya vətəndaşlarının, xüsusilə Rusiya Dövlət Dumasının beynəlxalq əlaqələr komitəsinin sədr müavini Svetlana Jurova və digərlərinin iştirakı ilə Azərbaycanın işğal olunmuş ərazilərinə təşkil etdiyi səfər erməni lobbisinin Azərbaycan-Rusiya arasındak

9 oktyabr 2018

Eks-nazir Fazil Məmmədov Azərbaycana qayıda bilmir - SƏBƏB

Türkiyədəki "American Hastanesi"ndə müalicəsini başa vuran eks-vergilər naziri Fazil Məmmədovun qardaş ölkədəki məşhur "Çırağan Palace"da istirahət etdiyi barədə bir müddət əvvəl xəbər vermişdik.. . . Türkiyədəki mənbə onun bir neçə ay oteldə qalacağını vurğulayırdı. F.Məmmədovl

9 oktyabr 2018