Alimlərdən yeni açıqlama: "İtlər sözləri ayırd edə bilirlər"

Atlantadakı Emori universitetinin alimləri elmi jurnalda yeni məqalə ilə çıxış ediblər.

Sonxeber.az "ölkə.az"a istinadla xəbər verir ki, alimlərin fikrinə əsasən itlər sözləri ayırd edə bilirlər və onların mənasını yadda saxlayırlar.

Tədqiqatçılar təcrübə aparıblar. Onlar könüllülərdən ev itlərinə adını çəkdikləri iki əşyanı gətirməyi öyrətməyi xahiş ediblər. Sonra isə bioloqlar itlərin sahiblərini laboratoriyaya dəvət ediblər və tapşırığı yerinə yetirən itin beynində hansı dəyişikliyin baş verdiyini yoxlayıblar. Məlum olub ki, itlər müxtəlif sözləri anlayırlar və onları müəyyən əşyalarla birləşdirirlər. Eyni zamanda üzə çıxıb ki, itin beyni ona tanış olmayan sözə daha aktiv reaksiya göstərib. İnsanlarda isə bunun əksi baş verir.
Alimlərin fikrinə əsasən, itlər eyni zamanda sahiblərinin danışığını başa düşmək üçün baxış, jest və emosiyadan da istifadə edirlər.

Telegramda izləyin

instagramda izləyin