Gəncədə Nardaran hadisələrinə dəstək verən şəxslər saxlanıldı

Gəncədə Nardaran hadisələrinə dəstək verən şəxslər saxlanıldıGəncədə Nardaran hadisələrinə dəstək verən şəxslər saxlanılıb.

Daxili İşlər Nazirliyinin (DİN) mətbuat xidmətindən APA-ya verilən məlumata görə, noyabrın 26-da Gəncə şəhər sakini Sabir Əliyev Nardaran qəsəbəsində baş vermiş hadisə ilə əlaqədar şəhərin Təbriz və Məmmədov küçələrinin kəsişməsində "Müsəlman biriliyi" adlı hərəkata dəstək məqsədi ilə çağırışlar etdiyi üçün Gəncə Nizami Rayon Polis İdarəsi əməkdaşları tərəfindən tutulub. Ondan "TT" markalı tapança, 8 ədəd patron, 1 ədəd patron darağı və 3,215 qram heroin götürülüb.

DİN-in yaydığı digər məlumata görə, Gəncə şəhər sakini Ruzi İsmayılov Nardaran hadisələri ilə əlaqədar "Müsəlman Birliyi" adlı hərəkatın üzvlərinə dəstək məqsədi ilə Şah Abbas məscidinin qarşısına gəlib. Bununla əlaqədar Ruzi İsmayılov evinin qarşısında tutularkən üzərində olan qumbara ilə Gəncə ŞBPİ-nin əməkdaşı, polis mayoru Oqtay Orucovun baş nahiyəsindən xəsarət yetirərək qumbaranı partlatmağa cəhd göstərib.

Ruzi İsmayılov tutulub və ondan 1 ədəd "F-1", 1 ədəd "RQD-5" qumbaraları və 14 qram heroin götürülüb.

Hadisə   Baxılıb: 3232   Tarix: 27 noyabr 2015  

Şikayətiniz varsa Whatsapp: 050 3422489

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR