Facebook-un yaradıcısı ata oldu

Facebook sosial şəbəkəsinin yaradıcısı Mark Zuckerberg ata olub.

Onun həyat yoldaşı Pritsilla Çanın qızı dünyaya gəlib. Övladının fotosunu sosial səbəkədə paylaşan sevincli ata belə bir status yazıb:

"Pritsilla və mən qızımız Maksı salamlamaqdan şadıq"-, belə bir statusta Mark sevincini sosial şəbəkədə bölüşüb.

Cütlük bəyan edib ki, şirkətdəki səhmlərinin 99 faizini "xeyirli işlərə" sərf edəcəklər. Mark Zuckerberg bildirib ki, xeyriyyə ianəsinin ümumi məbləği 45 milyard dollardır. Facebook səhifəsində bu barədə yazan Mark qeyd edib ki, onlar pullarını Chan Zuckerberg Initiative xeyriyyəsinə ona görə verirlər ki, Max böyüyəndə daha yaxşı bir dünyada yaşaya bilsin.

Zuckerberg yazır ki, Chan Zuckerberg Initiative xeyriyyəsinin əsas amalı insan potensialını artırmaq və gələcək nəslin uşaqları arasında bərabərliyi bərqərar etməkdir.

Bu pullar fərdi təhsilə, xəstəliklərin müalicəsinə, insan icmaları arasında daha möhkəm bağların yaradılmasına sərf olunacaq.

Zuckerberg və xanımı valideynlik məzuniyyətinə çıxıblar.

Facebook-un yaradıcısı yazır ki, xeyriyyə təşəbbüsünün detallarını məzuniyyətdən qayıtdıqdan sonra açılqlayacaq.

Cənab Zuckerberg həmçinin deyib ki, hələ uzun illər ərzində Facebook-un baş direktoru və onun ən böyük səhmdarı olaraq qalmağı planlaşdırır.

Telegramda izləyin