Könülün bu kadrları yalanını İFŞA ETDİ - Bu qədər yol gəlmisən - VİDEO - FOTO

Bu gün kütlə o qədər cılız bir musiqinin ardınca qaçır, bu, o qədər çoxluq təşkil edir ki, onun qarşısını almaq üçün nə edək, nə cür edək bilmirəm.

Sonxeber.az Milli.Az-a istinadən xəbər verir ki, bunu əməkdar artist Könül Kərimova çox yox, təxminən bir ay öncə "Şou ATV"də Nanənin qonağı olarkən demişdi.

Xanım sənətçi həmin gün efirlərdə günü-gündən artan bayağı müğənnilər və musiqilərə qarşı "müharibə" elan etdi. Hətta vəziyyət o yerə çatdı ki, bu məsələyə görə Kərimova milyonların önündə səhnədən getmək qərarı verdiyini də bildirdi.

Lakin bu "cılız" musiqinin qarşısını almaq barədə baş sındırdığını bildirən əməkdar artist, sən demə, bayağı müğənnilər sırasında öncüllərdən olan Üzeyir Mehdizadəni qızının oğlan toyuna, Ağcabədi rayonuna dəvət edib.

Xanım sənətçi dəvətini yerə salmayaraq paytaxtdan uzun yol qət edərək ailə məclisində (qızının toy mərasimində) oxumaq üçün gələn Üzeyirə təşəkkürünü də bildirib:

"Çox sağol, Üzeyir. Çox təşəkkür edirəm yenə də, bu qədər yol gəlmisən. Onların istəyi ilə bir mahnın var ki, çox arzu edirdilər onu eşitsinlər".

Bayağı musiqiyə qarşı mübarizə aparmaq istəyən mədəniyyət nümayəndəsi bəlkə də anlamır ki, nəyisə dəyişmək istəyirsənsə, birinci özündən, ailəndən başlamalısan...

Telegramda izləyin