İlahiyyatçı Hüseyn Dəryanın məzarının açılmasından danışdı: "İslam dininə görə..."

Xəbər verdiyimiz kimi, mərhum reper Hüseyn Dəryanın ilk nikahından olan övladı Ayşən "Bizimləsən" verilişinə çıxaraq Cahangirin doğma qardaşı olub-olmadığını öyrənmək üçün DNT testinin edilməsini istədiyini bildirib. Bunun üçün hətta o, Hüseyn Dəryanın məzarının açdıracağını da bildirib.

Bununla bağlı BiG.AZ-a açıqlama verən İlahiyyatçı alim Əkrəm Həsənov bildirib ki, insan dəfn edildikdən sonra onun qəbrinin açılması dinimizə görə icazəli deyil:

"Bir çox islam alimləri bu məsələ barədə müxtəlif fikirlər, rəylər, görüşlər deyiblər. Ümumi nəticə bundan ibarətdir ki, çox ciddi zəruri durumlar olarsa qəbrin açılması icazəli hesab edilir. Dünyasını dəyişən şəxsin bulaşıcı xəstəliyi olarsa açılmasına yol vermək olmaz. Ancaq dəfn edilən şəxsin yaxınlarından biri onun hansısa bahalı hədiyyəsini onunla birlikdə gizlin dəfn edərsə belə halda qəbrin açılması zərurəti ortaya çıxır. Xüsusilə zəruri durumlar içərisində ölən şəxsin ölümünün cinayət səbəbi olduğu şübhəsi ortaya çıxarsa belə halda onu dəqiqləşdirmək üçün qəbrini açmağa icazə verilir. Hər hansısa istintaq adaşdırmaları zamanı qəbir açılıb cənazə müayinə edilə bilər. Bir sözlə, müəyyən vacib şərtlər daxilində qəbrin açılması zərurəti yaranarsa, onu açmağa icazə verilir. Ancaq belə hallarda müdddətin əsas şərt kimi götürülməsi lazımdır. İllər keçdikdən və cənazə tam çürüdükdən sonra açılması doğru hesab edilmir. Bir sözlə, bu məsələdə istisnalar var. Qəbirləri başqa yerə nəql etmək, zəruri durum olmadıqca icazəli hesab edilmir. Qəbirlərin qorunması dinimizin göstərişidir. Cənazəni bir qəbirdən çıxarıb digər qəbirə dəfn etməkdə şəriətdə icazəli hesab edilmir. Çünki islama görə, həyatda olanların hüquqları qorunduğu kimi, ölənlərin də hüquqları qorunur. Ancaq güclü zəlzələ, su axını, yol çəkilməsi və ya düşmən tərəfində qalması kimi zəruri vəziyətlərdə qəbirləri açıb yerini dəyişməyə icazə verilir".

Telegramda izləyin

instagramda izləyin