Qarabağ toqquşması başladı: 230...

Azərbaycanın işğal edilmiş ərazilərində ermənilər arasında siyasi qarşıdurma güclənib.

Sonxeber.az publika.az-a istinadla xəbər verir ki, "Sasna srer" partiyası Qarabağın Ermənistana birləşdirilməsi üçün imzatoplama kampaniyasına başlayıb.

Partiya kampaniya nəticəsində 230 imzanın toplandığını açıqlayıb. Lakin onların bu kampaniyası separatçı rejimin "parlamentində" təmsil olunan üç partiya tərəfindən etirazla qarşılanıb.

Partiya bəyan edib ki, imzatoplama kampaniyasının başa çatması tarixi müəyyən edilməyib.

Separatçı rejimin "parlamentində" təmsil olunan "Azad Vətən", "daşnaksutyun" və "Artsax (Dağlıq Qarabağ - red) demokrat partiyası" imzatoplama kampaniyasına qarşı birgə bəyanatla çıxış ediblər.

"Bəzi siyasi qruplar və ayrı-ayrı şəxslərin son zamanlar fəaliyyəti siyasi nəzakət sərhədini keçir, "bizim xalqımızın" "müstəqil dövlət" yaratmaq əməyinə məhəl qoyulmur", - deyə bəyanatda bildirilir.

Lakin bəzi ermənilər "Sasna srer"in kampaniyasına açıq dəstək verib. Hazırda Qarabağın Ermənistana birləşdirilməsi, yaxud birləşdirilməməsi ilə bağlı ciddi qarşıdurma yaşanır.

Telegramda izləyin

instagramda izləyin