PSJ "Barselona"ya, "Porto" "Bavariya"ya qarşı

Bu gün Çempionlar Liqasında 1/4 final mərhələsinin cavab oyunlarına start veriləcək.

İlk yarımfinalçılar Barselona və Münhendə bəlli olacaq.

Əslində, "Barselona" – PSJ cütünün qalibinə böyük ölçüdə aydınlıq gəlib. Parisdə keçirilən ilk görüşdə 3:1 hesablı qələbə qazanan kataloniyalılar yarımfinal mərhələsinin qapısını aralayıblar. İspaniyaya itkilərlə yollanan PSJ "Nou Kamp"da yalnız möcüzəyə ümid edə bilər.

Günün digər qarşılaşmasında isə "Bavariya" "Porto"nu qəbul edəcək. İlk oyunda qeydə alınan nəticə matça marağı bir qədər də artırır. Portuqaliyada gözlənilmədən rəqibinə uduzan "Bavariya" öz meydanında həmin məğlubiyyətin əvəzini çıxmağa çalışacaq.

21 aprel
Çempionlar Liqası, 1/4 final, cavab oyunları

23:45. "Barselona" (İspaniya) – PSJ (Fransa)
Baş hakim: Sveyn Oddvar Moen (Norveç)
Barselona. "Nou Kamp" stadionu
İlk oyun: 3:1

23:45. "Bavariya" (Almaniya) – "Porto" (Portuqaliya)
Baş hakim: Martin Atkinson (İngiltərə)
Münhen. "Alyans Arena"
İlk oyun: 1:3

Telegramda izləyin