Əxlaqsızlıq yuvasının işi yenidən araşdırılacaq – Hökm ləğv edildi

Əxlaqsızlıq yuvasının işi yenidən araşdırılacaq – Hökm ləğv edildiƏxlaqsızlıq yuvalarının təşkilində və qadınları fahişəliyə cəlb etməkdə təqsirləndirilən Tərtər rayon sakini, 1983-cü il təvəllüdlü Şahin Səfərov və Xaçmaz rayon sakini, 1986-cı il təvəllüdlü Səid Cəlilovun barəsində olan məhkəmə qərarından verilən kasasiya protestinə baxılıb.

Sonxeber.az Teleqraf.com-a istinadən xəbər verir ki, Ali Məhkəmədə hakim Fərhad Kərimovun sədrliyi ilə baş tutan prosesdə qərar elan edilib.

Prokurorun təqsirləndirilən şəxslərin barəsində Sumqayıt Apelyasiya Məhkəməsinin qərarının ləğv edilməsini, işin yenidən apelyasiya instansiyasında araşdırılması barədə qərar qəbul edilməsi barədə verdiyi kasasiya protesti təmin edilib.

Sumqayıt Apelyasiya Məhkəməsinin qərarı tamami ilə ləğv edilib, işin yenidən araşdırılması üçün apelyasiya instansiyasına göndərilməsi barədə qərar qəbul edilib.

İttihama görə, əxlaqsızlıq yuvası təşkil etmək məqsədi ilə Şahin Səfərov bir qrup şəxslə qabaqcadan əlbir olub.

O, tanışları Səid Cəlilov, Əhməd Şirinov, Elvin Daşdi və Kamal Xanmədovla 2017-ci ilin aprelində Şıxbaba Quliyevə məxsus, Quba-Bakı avtomobil yolunun Quba rayonunun Pirvahid kəndi ərazisindən keçən hissəsində "Araz" adlanan kafeni şifahi razılıq əsasında aylıq 300 manat müqabilində icarəyə götürüb.

Daha sonra fahişəliklə məşğul olmaq üçün oradakı otaqlara çarpayı qoyub, yararlı vəziyyətə gətirib. Dəstənin digər üzvləri Səid Cəlilov, Əhməd Şirinov, Elvin Daşdi və Kamal Xanmədovla birlikdə oranı idarə edib, dekabrın 2-dək əxlaqsız yuvası kimi saxlayıb.

Bu müddətdə Vəfa Məmmədova, Səbinə Əliyeva, Könül Səlimova (cinayət işində qadınların ad-soyadı şərtidir – red.) və istintaqa adları məlum olmayan digər qadınlar müştəri kimi kafeyə gələn müxtəlif kişilərlə görüşüblər.

Adıçəkilən qadınların kişi müştərilərlə görüşməsini dəstə üzvləri Kamal Xanmədov, Əhməd Şirinov təşkil ediblər. Onlar bar otağında tanış olanları xüsusi ayrılmış və çarpayılarla təchiz olunmuş yataq otaqlarına gətiriblər.

Məlum olub ki, qadınların kişi müştərilərlə görüşü üçün otağın hər 20 dəqiqəsi 25 manata verilib.

Elvin Daşdi isə cinsi əlaqədə olanların otağı tərk etmələrinə, otağın boşaldılaraq səliqəyə salınmasını təmin edib.

Dekabrın 2-də Quba rayon sakini Tərlan Qəmbərov kəndin içində əxlaqsızlıq yuvası təşkil olunmasına etirazla "Araz" kafesini yandırıb, bundan sonra kafe fəaliyyətini dayandırıb.

"Araz" kafesi yandırıldıqdan sonra Şahin Səfərov dəstənin digər üzvləri ilə birlikdə başqa bir kafeni eyni məqsədlə icarəyə götürüb.

Şahin Quba rayonunun Vəlvələ kəndi ərazisində, "Bakı" adlanan kafenin mülkiyyətçisi ilə icarə müqaviləsi bağlayıb və 2017-ci il dekabrın 7-dən həmin obyekti işlətməyə başlayıb.

Fahişəliklə məşğul olmaq üçün oradakı üç otağın hər birinə çarpayı, bir otağa isə iki çarpayı qoyulub.

Bundan sonra Şahin Səfərov digərləri – Səid Cəlilov, Əhməd Şirinov, Elvin Daşdi, Kamal Xanmədov, Kamal Bəxtiyar oğlu ilə birlikdə oranı işlətməyə başlayıb.

Onlar 2018-ci il fevralın 4-dək kafeni əxlaqsızlıq yuvası kimi saxlayıblar. Vəfa Məmmədova, Səbinə Əliyeva, Könül Səlimova və digər qadınlar burada yüngül həyat tərzi keçirib, "Bakı" kafesində kişi müştərilərə intim xidmət göstəriblər.

Bu kafedə də Elvin Daşdı hər 20 dəqiqəsi 25 manat pul müqabilində müştərilərə şərait yaradıb.

Elvin Daşdı müştərilərdən aldığı pulu bar otağındakı dəftərdə müvafiq qeydiyyat aparan Səid Cəlilov və Əhməd Şirinova verib.

Əhməd Şirinov əxlaqsızlıq yuvasının xəzinəsinin "qara mühasibatlığı"nı aparıb və pulları Şahin Səfərova təhvil verib.

Şahin Səfərov əldə olunan gəlirin bir hissəsini gördükləri işə görə əməkhaqqı kimi Səid Cəlilov, Əhməd Şirinov, Elvin Daşdi və Kamal Xanmədova verib, qalan hissəsini özünə götürüb.

Fevralın 4-də Kamal Xanmədov Quba rayonunun Qəçrəş kəndi ərazisindəki "Dostluq" kafesində intihar edib.

Onun intiharı ilə bağlı aparılmış istintaq tədbirləri nəticəsində "Bakı"da yaradılmış əxlaqsızlıq yuvasının fəaliyyəti dayandırılıb.

İstintaq zamanı adı işdə hallanan şəxslərdən yalnız Şahin Səfərov və Səid Cəlilovun barəsində cinayət işi başlanıb.

İşdə adıçəkilən digər şəxslər inzibati qaydada cərimə olunublar.

İstintaq orqanı tərəfindən Şahin Səfərov və Səid Cəlilovun barəsində Cinayət Məcəlləsinin 244.2.1-ci (təkrar əxlaqsızlıq yuvaları saxlama) və 244.2.2-ci (qabaqcadan əlbir olan bir qrup şəxs və ya mütəşəkkil dəstə tərəfindən əxlaqsızlıq yuvaları saxlama) maddələri ilə ittiham elan edilib.

Quba rayon Məhkəməsinin hökmü ilə hər iki təqsirləndirilən şəxs barəsində Cinayət Məcəlləsinin 70-ci (şərti məhkum etmə) maddəsi tətbiq edilib.

3 il sınaq müddəti olmaqla Şahin Səfərov 3 il 5 ay 19 gün, Səid Cəlilov isə 3 il 3 ay 20 gün müddətinə şərti cəza alıblar.

Hökmdən narazı qalan prokuror apelyasiya protesti verib.

O, təqsirləndirilən şəxslərin barəsində təyin edilmiş Cinayət Məcəlləsinin 70-ci maddəsinin hökmdən xaric edilməsini, hər iki təqsirləndirilən şəxsin həbs olunmasını istəyib.

Prokurorun protesti baxılması üçün Sumqayıt Apelyasiya Məhkəməsinə göndərilib. Şikayət hakim Elman Əhmədovun icraatına verilib.

Prokurorun protestini araşdıran hakim heyəti sonda qərar elan edib.

Protest təmin olunmayıb.

Bu qərardan narazı qalan prokuror kasasiya protesti verib.


Sonxeber.az Telegramda izləyin instagramda izləyin
Kriminal   Baxılıb: 1391   Tarix: 13 iyun 2019  

Şikayətiniz varsa Whatsapp: 051 7028255

Facebookda Paylaş


DİGƏR MARAQLI XƏBƏRLƏR

Azərbaycanda bir gecədə 42 nəfər saxlanıldı

Ötən gün daxili işlər orqanlarında qeydə alınan cinayət faktları və hadisələr haqqında statistik məlumatlar açıqlanıb. Daxili İşlər Nazirliyinin Mətbuat xidmətindən -a verilən məlumata görə, iyunun 12-də törədilən 24 cinayətin üstü "isti izlər"lə açılıb. Əvvəlki dövrlərdən bağlı qalan 11 cinayəti

13 iyun 2019

Şeyx Həmzət Bakıdakı güllələnmədən yazdı: Qətlin səbəbi - VİDEO

O, yaxın dostunun həsrətinə çox üzüldüyünü bildirib. Çeçen əsilli "kriminal avtoritet", kriminal aləmdə Şeyx Həmzət adı ilə tanınan Həmzət Qastəmirov Bakıda güllələnərək qətlə yetirilən Budaqlı Mübariz Mürsəl oğlu ilə bağlı paylaşım edib. -a istinadən xəbər verir ki, azərbaycanlı kriminal avtorite

13 iyun 2019

Maşında çətənə bitkisi daşıyan şəxs saxlanıldı

Qax Rayon Polis Şöbəsinin əməkdaşları tərəfindən keçirilmiş əməliyyat-axtarış tədbirləri nəticəsində narkotik vasitələrin qanunsuz dövriyyəsində şübhəli bilinən Balakən rayonu Gərəkli kənd sakini Xəlil İsaxəliyev saxlanılıb. DİN Mətbuat Xidmətinin Şəki regional qrupundan -a verilən məlumata görə, On

13 iyun 2019

Məhkəmə reket baş redaktor barəsində qərar qəbul etdi

Hədə-qorxu yolu ilə pul tələb etməkdə və digər cinayətlərdə ittiham olunan " və digər "reket" informasiya saytlarının baş redaktoru İkram Rəhimovun barəsində olan cinayət işi üzrə məhkəmə prosesi keçirilib. publika-ya istinadən xəbər verir ki, bu gün Bakı Ağır Cinayətlər Məhkəməsində haki

12 iyun 2019

Abbas Bağırova qarşı dələduzluq edən köməkçisinə hökm oxunub

Bu gün Bakı Ağır Cinayətlər Məhkəməsində dələduzluqda təqsirləndirilən Orxan Mehrəliyevin cinayət işi üzrə məhkəmə iclası başa çatıb. E- -ın xəbərinə görə, hakim Səbuhi Hüseynovun sədrliyi ilə keçirilən prosesdə hökm oxunub. Məhkəmənin hökmü ilə o, 5 il 6 ay müddətinə azadlıqdan məhrum edilib. İttiha

12 iyun 2019

Qadın narkotacir saxlanıldı

Əminə Babayeva narkotik vasitələrin satışı ilə məşğul olduğunu etiraf edib. Suraxanı Rayon Polis İdarəsi 31-ci Polis Bölməsi əməkdaşlarının həyata keçirdikləri uğurlu əməliyyat-axtarış tədbiri nəticəsində narkotik vasitələrin qanunsuz dövriyyəsi və alqı-satqısı ilə məşğul olan şəxslər ifşa ediliblər

12 iyun 2019

Cavanlıqda arvadını sevən şəxsi güllələdi - TƏFƏRRÜAT

Hacıqabul rayonunda qohumuna odlu silahdan atəş açaraq öldürmək istəməkdə təqsirli bilinərək məhkum olunan Soltanov İxtiyar Tofiq oğlu Ali Məhkəməyə müraciət edib. ölkə.az-a istinadən xəbər verir ki, onun müraciəti ilə bağlı məhkəmə baxış iclası hakim Əli Seyfəliyevin sədrliyi ilə avqust ayının 28-d

12 iyun 2019

Bakıda cinsi azlığı qadın bilib onunla tanış oldu - Həqiqəti biləndə isə...

Ehtiyatsızlıqdan adam öldürməkdə təqsirləndirilən Raqif Şıxəliyev barəsindəki hökmdən verilən apelyasiya şikayəti və protestə baxılacaq. "Ölkə.Az"-a istinadən xəbər verir ki, iş Bakı Apelyasiya Məhkəməsində hakim Qədim Babayevin icraatındadır. İlkin baxış iclası iyunun 13-də keçiriləcək. Hadis

12 iyun 2019

Rusiyada amansızlıqla öldürülən azəbaycanlının qatili tutuldu – TƏFƏRRÜAT

Rusiyanın Samara vilayətində azərbaycanlı gəncin dəhşətli ölümü haqda məlumat vermişdik. -a istinadla xəbər verir ki, 30 yaşlı Elmir Əhmədovun qətlə yetirmiş 26 yaşlı Aleksandr Qorşkov həbs olunub. Samara Prokurorluğu əvvəllər oğurluq maddəsi ilə məhkunluq yaşamış Qorşkovun Əhmədovu qısqanclıq zəmind

12 iyun 2019

vipemlak.az