Avtomobillər hərəkətdə olarkən niyə alışır? - VİDEO

Dünən axşam saatlarında hərəkətdə olan avtomobil qəfil alışıb.

Hadisə Heydər Əliyev və Şah İsmayıl Xətai prospektlərinin kəsişməsində baş verib. Avtomobilin yanması ilə yolda uzun tıxac yaranıb. Bundan bir neçə gün əvvəl isə bənzər hadisə Biləsuvarda və Sədərək yolunda baş vermişdi. Biləsuvarda mikroavtobus, Bakıda isə minik avtomobili hərəkətdə olarkən yanmışdı.

Son günlər havaların isinməsi ilə baş verən bu hadisələr bir məsələni gündəmə gətirir: İşlək vəziyyətdə olan avtomobil hansı səbəbdən yana bilər?

Ustalar hesab edir ki, yanmanın əsas səbəbi yanacaq sisteminə gedən şlanqlar ola bilər.

Avtomobil ustası Dəniz Ağabəylinin sözlərinə görə, xüsusilə də isti havalarda yanacaq çəninə gedən şlanqlar keyfiyyətsiz olduğundan quruma baş verir. Nəticədə avtomobilin alışma riski yaranır. Yeni avtomobillərdə isə belə hal çox nadir vaxtlarda baş verir. İstehsal ili 5 ildən çox olmayan avtomobillərdə baş verən yanma hallarına isə adətən əlavə avadanlıqlara görə rast gəlinir.

Ustalar, xüsusilə yay aylarında avtomobilin yanacaq sistemini yoxlatmağı tövsiyə edirlər. Əks halda xırda bir detalın dəyişdirilməməsi ucbatından avtomobil yana bilər.

Xezerxeber.az mövzu ilə bağlı daha ətraflı videomaterialı təqdim edir:

Telegramda izləyin

instagramda izləyin