Azərbaycanlı "iş adamları"nın Dağıstandakı şok biznesi: Buradan adam oğurlayıb kölə edirlər

Azərbaycanlı "iş adamları"nın Dağıstandakı şok biznesi: Buradan adam oğurlayıb kölə edirlərDağıstanda bir neçə Azərbaycan vətəndaşı köləyə çevrilib. Üstəlik, bunu edənlər elə həmvətənləri olub. DİN İnsan Alverinə qarşı Mübarizə Baş İdarəsi qanunsuz azadlıqdan məhrumetmə və icbari əməyə cəlb etmə maddələri üzrə cinayət işi açıb.

Bu barədə Oxu.Az-a Azərbaycan Respublikası DİN-dən məlumat verilib.

Hazırda fakt üzrə araşdırma aparılır, Azərbaycan vətəndaşlarının xarici dövlətin ərazisində istismarında iştirak etmiş şəxslərin əhatə dairəsi müəyyən edilir. Şübhəli şəxslərin saxlanılaraq, məsuliyyətə cəlb olunması üçün Dağıstanın hüquq-mühafizə orqanları ilə danışıqlar aparılır.

DİN-dən bildiriblər ki, istintaqın davam etməsi ilə əlaqədar araşdırmanın təfsilatları barədə məlumat verə bilməzlər, bununla belə, cinayətdə təqsirli olan hər kəsin cəzalandırılacağını söyləyiblər.

Bu arada, Bakı sakini Elşad Ağayev Oxu.Az-a istismarçıların Dağıstanda azərbaycanlıların başına hansı oyunlar açdıqlarından danışıb. Köləlikdən qaçmağa nail olmuş azərbaycanlılardan biri E.Ağayevin qohumudur. O, Ağayevə cinayətkar qrupun tələsinə necə düşdüyünü və köləlikdə olarkən onunla necə davrandıqlarını danışıb.

1965-ci il təvəllüdlü Hadıyev Sevdiyar Muxtar oğlu Lerik rayonunun Piran kəndinin sakinidir. Bir neçə cəhddən sonra əsarətdən qaçmağı bacarıb. Azərbaycana geri dönər-dönməz DİN-ə şikayət ərizəsi ilə müraciət edib.

10 iyul 2018-ci ildə işsiz S.Hadıyevə Lənkəran rayonundan olan qohumu Vidadi Mirzəcanov yaxınlaşıb. O, bir nəfərin məşğulluq sahəsində çalışdığını və ürəyi istəsə, onu həmin kişi ilə tanış edə biləcəyini söyləyib.

S.Hadıyev həmin vaxt işə çox ehtiyacı olduğundan razılıq verib. İyulun 16-da Mirzəcanov həmin şəxslə görüşüb və sonuncu növbəti gün Hadıyevin Bakıya gəlməsini istəyib.

İyulun 18-də metronun "Koroğlu" stansiyasının qarşısında S.Hadıyevi "90 TU 367" nömrə nişanlı, "Opel" markalı maşında Tahir H. (redaksiyada bütün şübhəlilər barədə şəxsi məlumatlar olsa da, istintaqın davam etməsini nəzərə alaraq, adlar şərti verilir – red.) qarşılayıb.

"O, Sevdiyarı maşına əyləşməyə dəvət edib. Orada tanış olublar, sürücü Tərlan N. adlı biznes şərikinin olduğunu və birlikdə Mahaçqalanın "Uçxoz" məhəlləsində yerləşən fermada 10 tərəvəz istixanasına sahib olduqlarını söyləyir.

Tahir H. bildirib ki, S.Hadıyev aya 20 min rubl (533 manat) maaşa razılaşsa, onu özü ilə apara bilər. Onlar elə həmin gün Azərbaycan-Rusiya sərhədini keçiblər", - deyə E.Ağayev bildirib.

Yolda olanda Tahir H. mütəmadi olaraq Azərbaycandan Dağıstana (Mahaçqalaya) fəhlələr daşıdığını dilə gətirib. Təyinat nöqtəsinə çatdıqdan sonra Tahir H. fəhləni öz şəriki ilə tanış edib və müvəqqəti yaşayış qeydiyyatına salmaq bəhanəsi ilə onun pasportunu alıb. Ancaq nə Hadıyevin pasportu qaytarılıb, nə də onu yaşayış qeydiyyatına salıblar. Bundan başqa, S.Hadıyevin mobil telefonunu da əlindən alıblar.

Artıq bir neçə gündən sonra "işəgötürənlər"in azərbaycanlıya olan münasibəti dəyişib. Qeyd edək ki, şəriklərin xiyar və pomidorun yetişdirildiyi istixanalarında Hadıyevdən başqa, bir neçə azərbaycanlı da olub. Onlar ağır şəraitdə yaşayıb. Fəhlələr harada gəldi yatıb, onlara ən adi çarpayı belə verilməyib. "Əsirləri" faktiki olaraq ac saxlayıblar.

Başqa bir zərərçəkən - Səlahət Yasubovun polisə təqdim etdiyi şikayət ərizəsinə görə, onları hər gün 04:00-da oyadıblar. İş saat 05:00-da başlayıb və axşam 21:00-a kimi davam edib. Saat 12:00-da (günorta) fəhlələrə şirinçay və çörək, axşam saat 20:00-da isə qaynadılmış kartof veriblər. "Sözə baxmayan əsirləri" döyüblər.

S.Yasubovun dişlərini sındırıblar. İstixana hüdudlarından kənara heç kim çıxa bilməyib. Ərazini iki çoban iti mühafizə edib. Nadir hallarda əsirlərə mobil telefon verib, nəzarətçinin qarşısında ailələləri ilə əlaqə saxlamalarına (sağ-salamat olduqlarını bildirmək üçün) icazə veriblər. Aydın məsələdir ki, onlara heç bir məvacib verməyiblər.

S.Hadıyev dörd ay on gün ağır şəraitdə işləyib və yaşayıb. Noyabrın 18-də o, qaçmaq üçün pasportunu götürməyə cəhd edib, ancaq çoban iti onun üzərinə atılaraq əlini ağır yaralayıb.

Nəyahət, noyabrın 29-da fürsətdən istifadə edərək, dörd metrlik hasarı aşaraq qaçıb. Yolda o, polis əməkdaşına rast gəlib və başına gələnləri ona danışıb. Hadıyevə kömək etmək üçün asayiş keşikçisi onunla fermaya qayıdıb. Yarım saat ərzinə polis əməkdaş Tərlan N. ilə söhbət aparıb. Hüquq-mühafizə orqanı əməkdaşı köləlikdən qaçmış Hadıyevin pasportunu fermerdən almağa nail olur.

Polis əməkdaşı ona Azərbaycana qayıtmağı və oradan istismarçılardan yerli hüquq-mühafizə orqanlarına şikayət etməyi tövsiyə edib. Ancaq Tahir H. Hadıyevin içində olduğu avtobusa çataraq onu saxladıb. Sonuncu onun avtomobilə minməsini xahiş edib, onunla söhbət etmək istədiyini bildirib. Ona Bakıya çatan kimi 80 min rubl verəcəyini and-aman edib, polisə şikayət etməməsi üçün yalvarıb. S.Hadıyev onun sözlərinə inanıb.

Tahir H. yolüstü sərnişinlər toplayaraq, onlarla birlikdə Hadıyevi Bakıya çatdırıb. Ancaq zərərçəkəni yenə aldadıblar. Tahir H. ona vəd etdiyi pulu vermir. Burada köləlikdən qaçmış Hadıyev Elşad Ağayevlə əlaqə yaradıb, sonuncu onu evinə çatdırıb.

Bir neçə gündən sonra S.Hadıyevə poçtla beş min rubl göndərilir. Əmək istismarına məruz qalmış zərərçəkən hazırda günahkarların cinayət məsuliyyətinə cəlb edilməsini və 75 min rubl məbləğində pulun tutularaq, ona təzminat şəklində verilməsini tələb edir.

"Zərərçəkənlər iddia edir ki, qrup dörd nəfərdən ibarətdir və hər birinin öz funskiyası var. Göyçaylı Tərlan N. biznesi idarə edir. Tahir H. müəssisəni kölələrlə təmin edir. Başqa bir göyçaylı - Sarvan isə fermada işçilərə və onların qaçmamasına nəzarət edib. Bundan başqa, bir qadın da olub, onun adı hələlik bizə məlum deyil, yalnız o məlumdur ki, qadın təsərrüfatın mühasibat işlərinə cavabdeh olub", - deyə mənbə bildirib.

Bu arada, Səlahət Yasubov köləlikdən 12 sentyabr 2018-ci ildə qaça bilib. Zərərçəkənin sözlərinə görə, fermada onunla Ucar rayonundan olan bir neçə fəhlə çalışıb. S.Yasubov S.Hadıyevdən fərqli olaraq, öz pasportunu ələ keçirə bilib.

Qeyd edək ki, S.Yasubovun ifadəsi onunla həmdərd olan Hadıyevin polisə təqdim etdiyi şikayət ərizəsində yazılanlarla üst-üstə düşür. Hər ikisi bildirib ki, onlara az qala İkinci Dünya Müharibəsi dövründə konsentrasiya düşərgələrində saxlanılan əsirlər kimi, bəlkə də, daha pis münasibət göstəriblər.

Elşad Ağayevin sözlərinə inansaq, istintaqın Mahaçqala fermalarında istismara məruz qalmış doqquz azərbaycanlı "kölə" barədə məlumatı var.

"Biz yalnız onu istəyirik ki, bütün cinayətkarlar qanun çərçivəsində ən sərt şəkildə cəzalandırılsın. XXI əsrdə yaşayırıq, amma köləlik hələ də çiçəklənməkdədir", - deyə E.Ağayev söyləyib.


Sonxeber.az Telegramda izləyin instagramda izləyin
Sosial   Baxılıb: 2014   Tarix: 19 iyun 2019  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

BDU-nun tələbəsi dəm qazından ölüb

Bakı Dövlət Universitetinin (BDU) SABAH qruplarının Hüquqşünaslıq ixtisası üzrə II kurs tələbəsi Elçin Əliyev vəfat edib. Bu barədə Bakı Dövlət Universiteti məlumat yayıb. Bildirilib ki, Elçin Əliyev BDU-ya 600-dən yuxarı balla qəbul olunub, universitetin təhsil göstəricilərinə görə fərqlənən tələbələrində

4 mart
.

Rüşvətə görə həbs olunan baş direktorun vəzifələrini kim icra edəcək? - FOTO

Səhiyyə Nazirliyinin "Respublika Narkoloji Mərkəzi" Publik Hüquqi Şəxsin baş direktoru vəzifəsi İlham Məmmədova tapşırılıb. "Qaynarinfo"nun məlumatına görə, bununla bağlı səhiyyə naziri Teymur Musayevin müvafiq əmr imzalayıb. Xatırladaq ki, İ.Məmmədov 2011-ci ildən baş direktoru

4 mart
.

Bakıda 1500 sakinin istirahət yerini dağıtdılar: Bina tikəcəklər - FOTO

Xətai rayonunda sakinlərin istirahət yeri məhv edilir. Bu barədə -ın redaksiyasına ərazidə yaşayan sakinlər şikayət ünvanlayıblar. Onların sözlərinə görə, ötən gün rayonun Gəncə prospekti, 105 ünvanında istirahət yeri dağıdılıb:. "Bir neçə il əvvəl də buranı söküb, yerinə bina tikmək istədilər

4 mart
.

Azərbaycanda icra hakimiyyətində əməliyyatın keçirildiyi RƏSMƏN TƏSDİQLƏNDİ - YENİLƏNİB

"Baş Prokuror yanında Korrupsiyaya qarşı Mübarizə Baş İdarəsi Gəncə Şəhər İcra Hakimiyyətində əməliyyat keçirib. Əməliyyat bir sıra qanun pozuntuları ilə bağlıdır. Hələ ki, saxlanılan yoxdur". Baş Prokurorluğun Mətbuat Xidmətindən "Qafqazinfo"nun sorğusuna cavab olaraq bildirili

4 mart
.

"Qobu-Park"da 3 itin parçaladığı uşağın anası DANIŞDI - VİDEO

Xəbər verdiyimiz kimi, sahibsiz itlər 2014-cü il təvəllüdlü azyaşlıya hücum edərək ona xəsarət yetirib. Uşaq xəstəxanaya yerləşdirilib. Uşağın anası RTV-yə açıqlama verib. Həmin görüntüləri təqdim edirik:

4 mart
.

70 gündür axtarılan Rasim Xoşqədəmə sms yazıb? - "Anam necədir?"

Ötən ilin dekabr ayının 26-da İmişli rayonunun Qaragüvəndikli kəndində itkin düşən 12 yaşlı Rasim Xankişiyevin axtarışları davam edir. xəbər verir ki, ARB televiziyasında yayımlanan "Səni Axtarıram" verilişinin aparıcısı Xoşqədəm Hidayətqızı bildirib ki, gecə saat 2də Rasim adı ilə mənə yazıb:

4 mart
.

Türkiyədə zəlzələ: İstanbulda da hiss edildi

Türkiyənin Çanaqqala şəhərində zəlzələ qeydə alınıb. Bu barədə ölkənin Fəlakət və Fövqəladə Halların İdarə Olunması İdarəsindən (AFAD) xəbər verilib. Axşam saatlarında baş verən yeraltı təkanlar İstanbul və ətraf vilayətlərdə də hiss olunub. Məlumata görə, 4,9 bal gücündə zəlzələnin ocağı yerin 10,4

4 mart
.

Qəbul imtahanında iştirak üçün ödəniş haqqından kimlər azaddır? - SİYAHI

Ali və orta ixtisas təhsili müəssisələrinə tələbə qəbulu ilə bağlı imtahanda iştirak üçün ilk dəfə müraciət edən Azərbaycan Respublikası vətəndaşlarının (ali və ya orta ixtisas təhsili almış şəxslər istisna olmaqla) qəbul imtahanında (imtahanın ikinci mərhələsinin yalnız bir cəhdində) iştirakı dövlə

4 mart
.

"Əllərimi və dodağımı özüm yandırmışam" deyib ərini bağışladı

Ötən ilin iyun-iyul aylarında Bakının Qaradağ rayonu Puta qəsəbəsində həyat yoldaşı Nigar Səmədovaya (ad-soyadlar şərtidir) işgəncələr vermiş 1983-cü il təvəllüdlü Elvin Səmədova hökm oxunub. "Qafqazinfo" xəbər verir ki, Qaradağ Rayon Məhkəməsində keçirilən prosesdə Elvin Cinayət Məcəlləsini

4 mart