Həbsdə olan Fədayə Laçının SƏHHƏTİNDƏ PROBLEM VAR?

Bakı Apelyasiya Məhkəməsində xüsusi təyinatlı vaqondan məhbusların qaçmasına köməklik etməkdə təqsirləndirilən müğənni Fədayə Laçın və daha 12 nəfərin barəsində çıxarılan hökmdən verilən apelyasiya şikayəti üzrə məhkəmə prosesi növbəti dəfə təxirə salınıb. Ard-arda təxirə salınan məhkəmələrə görə, cəmiyyətdə sənətçinin səhhətində problemlər olduğu ilə bağlı dedi-qodular yayılıb.

Müğənninin vəkili Nurəngiz Qarayeva əlaqə saxladıq. Vəkil açıqlamasında bildirdi ki, Fədayə Laçının səhhəti ilə bağlı heç bir problem yoxdur:

"Məhkəmələrin təxirə salınması Fədayə xanımla bağlı deyil. İki gün öncə yanında idim, vəziyyəti normaldır. Sadəcə olaraq məhbusların çox olduğuna görə hər dəfə bir problem çıxır. Vəkil gəlmir, ya da təqsirləndirilənləri gətirmirlər. Həm də Bakı Apelyasiya Məhkəməsində hazırda Gəncə hadisələrinə baxıldığına görə üst-üstə düşmələr olur. Müğənninin növbəti məhkəməsi iyul ayının 15-nə təyin olunub". (redaktor)

Telegramda izləyin

instagramda izləyin