Bakıda qardaşını güllələyən şəxsin — MƏHKƏMƏSİ

Bakıda qardaşını qətlə yetirməkdə təqsirləndirilən Hüseynbala Şamilovun cinayət işi üzrə ibtidai istintaq başa çatıb.

Cinayət işinin materialları baxılması üçün Bakı Ağır Cinayətlər Məhkəməsində hakim Fikrət Qəribovun icraatına verilib.

Qeyd edək ki, bu il mart ayının 31-də Sabunçu rayonu, Zabrat qəsəbəsində 43 yaşlı Kamran Şamilov odlu silahdan açılan atəşlə qətlə yetirilib.

Hadisəni mərhumun qardaşı Hüseynbala Şamilovun törətdiyi məlum olub. O, saxlanılıb. Saxlanılarkən H.Şamilovun üzərindən hadisəni törətdiyi "TOZ-34" markalı tüfəng götürülüb.
Qeyd edək ki, iki qardaş arasında mübahisə torpaq bölgüsü üstündə yaranıb. Mübahisə zamanı Hüseynbala evdən ov tüfəngini götürərək qardaşına atəş açıb. Sonuncu elə hadisə yerində dünyasını dəyişib.

Xatırladaq ki, qətlə yetirilən Hacı Kamran Şamilov Bakı məscidlərindən birinin axundu olub. (olke.az)

Telegramda izləyin

instagramda izləyin