"Azərbaycan tankları sərhədi keçsə..." - İrəvandan Kremlə ŞANTAJ

"Azərbaycan tankları sərhədi keçsə..." - İrəvandan Kremlə ŞANTAJAzərbaycan-Ermənistan sərhədində gərginlik davam edir. Xəbər verdiyimiz kimi, bir neçə gün öncə Qazaxda təcili yardım maşınının atəşə tutulması silahlı qüvvələrimizin cavab tədbiri görməsinə səbəb olub və nəticədə bir erməni hərbçisi öldürülüb, ikisi yaralanıb. Ümumiyyətlə, son günlərdə düşmən ordusu iki canlı itki verib, bir neçə erməni hərbçisi isə yaralanıb. Diqqətçəkicidir ki, bu itkilər Qarabağda deyil, Azərbaycan-Ermənistan sərhədində qeydə alınıb.

Erməniləri ən çox hiddətləndirən də budur - erməni əsgərlərin Ermənistanda öldürülməsi. Ancaq İrəvanda anlamaq istəmirlər ki, iki ölkə arasında sərhəd də 30 ildir cəbhə xətti sayılır, ona görə ki, Qarabağ müharibəsi bitməyib, Azərbaycan və Ermənistan bir-birinin suverenliyi və ərazi bütövlüyünü tanımayıb. Başqa sözlə, Azərbaycan ərazisində işğalçı erməni qüvvələri qaldıqca ordumuz Ermənistan ərazisinə də hərbi zərbələr endirməyi özünə haqq edir. Ən azından, Bakının Ermənistanı daim gərginlik altında və blokadada saxlaması tamamilə məntiqli və qanunidir. Dünyanın heç yerində işğalçının başını tumarlamırlar. Odur ki, məlum insidentdən sonra Ermənistan ordusunun baş qərargah rəisinin sərhədin Qazax hissəsinə baş çəkmək məcburiyyətində qalması heç nəyi dəyişmir.

"Ermənistan ordusunun yalnız Qarabağ istiqamətində deyil, bütün təmas xətti boyunca problemlərini artırmaq lazımdır".

Sonxeber.az musavat.com-a istinadən xəbər verir ki, bunu "Atlas" Araşdırmalar Mərkəzinin rəhbəri, siyasi şərhçi Elxan Şahinoğlu deyib. Politoloq bildirib ki, bu manevr nəticəsində baş qərargah rəisi Artak Davtyan sərhədin Qazax istiqamətinə baş çəkmək zorunda qalıb:

"İyulun 27 və 28-də Azərbaycan-Ermənistan sərhədinin Qazax rayonu istiqamətindən keçən hissəsində düşmən ordusunun iki əsgəri yaralanıb. Erməni general sərhəddə əməliyyat şəraiti ilə tanış olub, mühəndis işlərinin görülməsi və mövqelərin möhkəmləndirilməsi barədə göstərişlər verib. Ermənistanın müdafiə nazirinin müavini Qabriel Balayan sərhəddəki gərginliyi belə izah edib ki, hər iki tərəf yay aylarından istifadə edərək təmas xəttinə yaxın ərazilərdə mühəndis qurğularının gücləndirilməsinə çalışır və ona görə də ölümlə və yaralanmalarla nəticələnən toqquşmalar qeydə alınır. Bu yanaşmada həqiqət payı var. Ancaq məsələ yalnız mövqelərin gücləndirilməsi ilə əlaqəli deyil. Ermənistan hakimiyyəti anlamalıdır ki, işğal davam etdikcə onların problemi yalnız Dağlıq Qarabağda olmayacaq, Qazax və Tovuzdan başlayaraq Naxçıvana qədər sərhəddə onlara qarşı təzyiq artacaq. Bu, günün reallığıdır. Əgər Rusiya bizə müharibə yolu ilə torpaqlarımızı azad etməyə imkan vermirsə, başqa yol lokal təzyiq və harada mümkündürsə irəliləmək imkanlarını hərəkətə gətirməkdir".

******

Rusiyadan söz düşmüşkən, İrəvanda işğalçı ölkənin 1 nömrəli müttəfiqini yenə xəyanətdə və öz forpostunu layiqincə müdafiə etməməkdə suçlamağa başlayıblar. Guya nəinki Moskva, hətta "Rus NATO-su" kimi tanınan KTMT də Azərbaycanın sərhəddəki son "təxribatlarına" adekvat reaksiya verməli imiş. Amma Ermənistanın özü on illərdir yad bir ölkənin - Azərbaycanın 20% ərazisini işğal altında saxlayır və bunu normal sayır. Halbuki BMT Nizamnaməsinə görə, hər bir ölkənin öz ərazi bütövlüyünü istənilən yolla bərpa eləmək və işğalçını cəzalandırmaq hüququ var.

Maraqlıdır ki, az öncə Naxçıvan istiqamətində düşmən tərəf Ermənistana təhlükə imitasiyası yaratmaqla Rusiyanı Azərbaycana qarşı qaldırmağa cəhd eləmişdi. Ümumiyyətlə, bu taktika Nikol Paşinyan hakimiyyəti dönəmində də davam edir. İşğalçı Rusiyanın arxasında gizlənib həm işğal siyasətini davam etdirmək, həm də Azərbaycanın hərbi zərbələrindən və əsgər itkilərindən qorunmaq istəyir. Təsadüfi deyil ki, aylar öncə qərbpərəst baş nazir Nikol Paşinyan nə qədər qəribə də olsa, belə bir ifadə işlətmişdi: "Biz inanırıq ki, Rusiya Azərbaycanın müharibəni qızışdırmasına imkan verməz".

Bu təlaş sözsüz ki, işğalçı Ermənistanı Azərbaycanla müharibədə hansı aqibətin gözlədiyinin dərki ilə bağlıdır. İrəvandan olsaydı, Azərbaycanla savaşdan yayınmaq üçün Türkiyə və İranla sərhədlər kimi, Azərbaycanla sərhədi də rus əsgərlərinə həvalə edərdi ki, günün birində rus hərbçisinə qarşı təxribat təşkil edib Moskvanı Bakıya qarşı qəzəbləndirsin.

Hələliksə Azərbaycanın son adekvat cavabı nəticəsində sərhəddə erməni hərbçisinin məhv edilməsi ilə bağlı İrəvanda Kremlə qarşı növbəti isteriya başlayıb. Rusiya Bakıya qarşı "passiv davranış"da suçlanır. O Rusiya ki, silah-sursatdan tutmuş, təbii qaza kimi, hər şeyi Ermənistana daxili bazar qiymətinə verir, Ermənistanı, sadəcə, bəsləyir...

*****

"İstər KTM-nin özü olsun, istərsə də onun ayrı-ayrı üzvləri, sanki ağızlarına su alıblar, Azərbaycanın Ermənistana qarşı silahlı təcavüzünü görmürlər". "Yeni Müsavat" xəbər verir ki, bu barədə Armenianreport.com-da ermənilərin cəbhə xəttindəki son canlı itkilərinə həsr olunmuş redaksiya məqaləsində deyilir.

Azərbaycana qarşı təcavüzü görməzdən gələn erməni müəllif daha sonra yazır: "Atəşkəs rejimi dövründə biz Qarabağda Azərbaycan tərəfinin çoxsaylı "təxribatlarına" (dırnaqlar bizimdir - "YM") artıq öyrəncəli olmuşuq. Ancaq orada hər şey aydındır - bu, təmas xəttidir. Amma Azərbaycanla sərhəddə Ermənistan əsgərinin öldürülməsi bambaşqa situasiyadır. Azərilər Ermənistan ərazisində xidmət keçən hərbçiyə qarşı "təxribat" törədiblər. Məsələ əslində Ermənistandan da çox, onun təmsil olunduğu və Ermənistanı qorumalı olan KTMT-dədir. KTMT-nin bir üzvünə - Ermənistana qarşı bu blokun üzvü olmayan ölkə silahlı "təxribat" törədib. KTMT-nin nizamnaməsinə görə, təşkilat Ermənistana kömək göstərməyə borcludur. Gerçəkdə isə əksini görürük. Azərbaycanı KTMT-də müşahidəçi statusunda görməyi arzulayır, bundan ötrü təşkilatın nizamnaməsini belə dəyişirlər. Əslində Azərbaycanın hətta açıq şəkildə Ermənistana hücum edəcəyi halda KTMT-nin və ya onun hər bir üzvünün Ermənistana kömək edəcəyinə ümid eləmək axmaqlıq olardı. Azərbaycan tankları sərhədi keçsəydi belə, onlar susacaqdılar".

Məqalədə bildirilir ki, daha Ermənistanın bu blokda olmasının heç bir anlamı qalmayıb. "Amorf hərbi-siyasi təşkilat olan KTMT bizə lazım deyil, biz onlara, Putinə lazımıq. Odur ki, bir daha Paşinyan hökumətindən tələb edirik ki, Ermənistanın Putin layihələri olan KTMT-dən, Avrasiya İqtisadi Birliyindən çıxması yönündə təşəbbüsə başlasın. Ermənistanın özünü həm təmin, həm də müdafiə edə bilməsini Kremlə göstərməyin zamanı çatıb", - deyə müəllif sonda qeyd edib.

*****

Ermənilərin ən böyük problemi də elə budur: işğal faktı, blokada rejimi dura-dura həm ac-yalavac əhalisini saxlamaq, təmin eləmək, həm də Azərbaycandan müdafiə olunmaq. Kiminsə ağuşunda olmadan işğalçı ölkənin buna gücü, qabiliyyəti çatarmı?

Sual ritorikdir...


Sonxeber.az Telegramda izləyin
Siyasət   Baxılıb: 3831   Tarix: 02 avqust 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

İlham Əliyev Əbülfəs Qarayevlə bağlı sərəncam İMZALADI

Prezident İlham Əliyev UNESCO-nun Ümumdünya İrs Komitəsinin 43-cü sessiyasının Bakıda təşkili və keçirilməsində fəal iştirak etmiş şəxslərin təltif edilməsi haqqında sərəncam imzalayıb.. . Unikal.org xəbər verir ki, sərəncama əsasən, 2019-cu il 30 iyun–10 iyul tarixlərində UNESKO-nun Ümumdünya İrs Komitəsini

1 avqust 2019

İlham Əliyev: Altı ayda valyuta ehtiyatlarımız 4 milyard dollar artıb

Bizim büdcə daxilolmalarımız artır. Eyni zamanda, valyuta ehtiyatlarımız artır. Valyuta ehtiyatlarımız rekord həddə çatıb – 49 milyard dollar səviyyəsindədir. Bu, bizim böyük sərvətimizdir, böyük uğurumuzdur.. . Bu sözləri Prezident İlham Əliyev iyulun 31-də sosial-iqtisadi sahə ilə bağlı keçirilən müşavirəd

1 avqust 2019

Prezident İlham Əliyev sual verdi, onlar cavablandırdılar - VİDEO

Xəbər verdiyimiz kimi, İyulun 31-də Azərbaycan Respublikasının Prezidenti İlham Əliyevin yanında sosial-iqtisadi sahə ilə bağlı müşavirə keçirilib.. . Ölkə başçısı müşavirədə çıxış edən Prezident İlham ƏLİYEV nazirlərə və Mərkəzi Bankın sədrinə suallar ünvanlayıb. . . Prezident İlham ƏLİYEV: Özünüməşğullu

1 avqust 2019

"Məndə olan məlumata görə, bizdə..." - Dövlət başçısı TƏNQİD ETDİ

"Məndə olan məlumata görə, bizdə nağdsız ödənişlər hələ də aşağı səviyyədədir".. . Bunu Azərbaycan Prezidenti İlham Əliyev iyulun 31-də sosial-iqtisadi sahə ilə bağlı müşavirədə deyib. . . Dövlət başçısı bildirib ki, fermerlərə əlavə güzəştlər edilir: . . "Texnika ilə bağlı təminat yüksə

1 avqust 2019

Manatın taleyi necə olacaq? - Elman Rüstəmov AÇIQLADI

Mərkəzi Bankın özünün də valyuta ehtiyatları artır. Cari ildə biz valyuta ehtiyatlarımızı 330 milyon dollardan çox artırmışıq. Amma diqqətinizi ona cəlb etmək istəyirəm ki, Sizin qoyduğunuz məsələ - valyuta ehtiyatlarının idarə olunmasının effektivliyinin artırılması olduqca mühüm məsələdir. Bu vəsaiti

1 avqust 2019

Prezidentdən nağdsız ödənişlərlə bağlı — TAPŞIRIQ

Azərbaycanda nağdsız ödənişlər hələ də aşağı səviyyədədir.. Bu fikirləri Prezident İlham Əliyev sosial-iqtisadi sahə ilə bağlı müşavirədə deyib.. . Dövlət başçısının sözlərinə görə, bu sahədə çox ciddi addımlar atılmalıdır:. . "Biz çalışmalıyıq ki, nağdsız ödənişlərin həcmi artsın. POS-terminalları

1 avqust 2019

Prezidentdən süni qiymət artımı ilə bağlı CİDDİ TAPŞIRIQ

"Məndə olan məlumata görə, bizdə nağdsız ödənişlər hələ də aşağı səviyyədədir. Hesab edirəm ki, bu sahədə çox ciddi addımlar atılmalıdır.". . Sonxeber.az Unikal.org-a istinadən xəbər verir ki, bu sözləri İyulun 31-də sosial-iqtisadi sahə ilə bağlı keçirdiyi müşavirədə prezident İlham Əliye

1 avqust 2019

İlham Əliyev müşavirə keçirdi

İyulun 31-də Azərbaycan Respublikasının Prezidenti İlham Əliyevin yanında sosial-iqtisadi sahə ilə bağlı müşavirə keçirilib.. . Sonxeber.az xəbər verir ki, bu barədə AZƏRTAC məlumat yayıb.

31 iyul 2019

Mədət Quliyev onları vəzifələrindən AZAD ETDİ - YENİ TƏYİNATLAR (SİYAHI)

Müdafiə Sənayesi Nazirliyində (MSN) struktur dəyişikliyi aparılıb və yeni kadr təyinatları olub.. . Sonxeber.az "Report"a istinadən xəbər verir ki, Müdafiə Sənayesi naziri Mədət Quliyevin imzaladığı müvafiq əmrlə nazirliyin Hüquq-müqavilə və kadrlar şöbəsi ləğv edilib.. . Onun əsasında ik

31 iyul 2019