Bəzi muzeylər nazirliyin tabeliyindən çıxarılıb Turizm Agentliyinə verildi - SİYAHI

Nazirlər Kabineti "Mədəniyyət və Turizm Nazirliyinin strukturuna daxil olmayan tabeliyindəki qurumların Siyahısı"na dəyişiklik edib.

Sonxeber.az xəbər verir ki, bununla bağlı müvafiq qərarı Baş nazir Novruz Məmmədov imzalayıb.

Qərara əsasən, aşağıdakı qurumlar nazirliyin tabeliyindən çıxarılaraq "Dövlət Turizm Agentliyinin strukturuna daxil olmayan tabeliyindəki qurumların Siyahısı"na daxil edilir:

- Lahıc Tarix-Diyarşünaslıq Muzeyi;

- Şəki Tarix-Diyarşünaslıq Muzeyi;

- Şəki Xalq Tətbiqi Sənəti Muzeyi;

- Şəki Dövlət Rəsm Qalereyası;

- Basqal qəsəbə Mədəniyyət Evi;

- Xınalıq kənd Mədəniyyət Evi.