Alimlərdən xəbərdarlıq: dəniz səviyyəsi 23 metr artacaq

Alimlərdən ibarət beynəlxalq komanda müəyyən edib ki, Antarktidanın ətrafındakı buzların hamısı əridikdən sonra bir əsr ərzində dəniz səviyyəsi 23 metr artacaq. Sonxeber.az xəbər verir ki, buna səbəb eyni zamanda atmosferdə karbon dioksidin konsentrasiyasının 1 milyonda 400 hissəcik səviyyəsi də səbəb olacaq.
Alimlər qeyd edirlər ki, yaxın vaxtlarda iqlim dəyişəcək və 3 milyon il əvvəlki səviyyədə olacaq. Qrenlandiya, Qərbi-Antarktida və Antarktidanın dəniz buzlarının əriməsi dəniz səviyyəsini 20 metr artıracaq.
Məlum olub ki, 3 milyon il əvvəl də iqlimin getdikcə istiləşməsi nəticəsində dəniz səviyyəsi orta hesabla 13, maksimal səviyyədə isə 25 metr artıb. Bu dövrdə dəniz səviyyəsinin artmasına səbəb əsasən Antarktida buzlaqları olub.
Hazırda baş verən istiləşmə günəş şüaları ilə əlaqəli deyil. Klimatoloqların fikrinə əsasən, atmosferə atılan karbon qazının miqdarı istilərə səbəb olur.

Telegramda izləyin