"Ağ Çiçəyim" gül mağazası piyada keçidini zəbt edib? - AÇIQLAMA

"Qara Qarayev prospekti, "Xalqlar dostluğu" metro stansiyasının yaxınlığında yerləşən "Ağ çiçəyim" gül mağazasının qarşısından keçmək mümkün deyil".

Bununla bağlı Sonxeber.az saytına şikayət daxil olub. Belə ki, Həmid Hüseynov adlı şəxs şikayət edərək bildirib ki, sözügedən ərazidə 2 ay öncə mağazada baş vermiş yanğından sonra, mağazanı genişləndirib piyada keçidinin bir hissəsini zəbt ediblər:

"Bu azmış kimi hələ bitkiləri də keçiddə elə düzüblər ki, geniş piyada keçidi daralıb və piyadalar arasında sıxlıq yaranır. Bu özünü "ağıllı" hesab edən sahibkar mağazanın qarşısında sıxlıq yaradıb, həmçinin müştəri cəlb edəcək deyə piyadalar əziyyət çəkir".

Sözügedən problemlə bağlı gül mağazasından Sonxeber.az-a açıqlama verən reklam meneceri Elnur İmanov bildirib ki, mağazanın qarşısına düzülən çiçəklər elə əvvəllərdə var idi:

"Yanğından sonra dəyişən heç nə yoxdur. Əvvəl necə idisə, indi də elədir. Mağazanın qarşısında avtomobil də saxlamaq mümkündür. Əhali də rahatlıqla keçə bilir. Bu sadəcə gözü götürməməzlikdir".

Lamiyə Məmmədova

Telegramda izləyin

instagramda izləyin