Fazil Mustafa: "Kimsə xaricdən maliyyələşərək ölkədə qarşıdurma yaradırsa, bu araşdırmalıdır"

Xəbər verdiyimiz kimi, Milli Şura oktyabrın 19-da metronun "28 may" stansiyasının yaxınlığında qanunsuz mitinq təyin edib.

Bununla bağlı BiG.AZ-a danışan deputat Fazil Mustafa bildirib ki, Azərbaycanda hüquqlar qanunla tənzimlənir: "Qanunla dövlətin ayırdığı yerdə müəyyən aksiyalar keçirmək olar. Əgər ayrılan yer əlverişsizdirsə bununla bağlı onlar Bakı Şəhər İcra Hakimiyyətini məhkəməyə verə bilərlər. Onlar məhkəmədə ayrılan yerdə sərbəst toplaşmaq azadlığını yerinə yetirmək mümkün olmadığını söyləyə bilərlər. Yoxsa icazə verilməyən yerdə "kabadayı" formasında hər şeyi vurum, dağıdım, öz istədiyim yerdə mitinq edim, bu, yolverilməzdir. Bu ölkədə böyük bir problem yarada bilər. Hesab edirəm ki, bunu müxalifət qüvvələri düşünsünlər və bu cür araqarışdıracaq addımlar atmasınlar. Çünki onlar da azərbaycanlı və bu ölkənin vətəndaşıdır. Ona görə vətəndaş qarşıdurmasına səbəb olacaq addımlardan çəkinməlidirlər. Onların həqiqətən iddia edildiyi kimi xaricdən maliyyələşdiyini bilmirəm. Qanuna kimliyindən asılı olmayaraq hər kəs əməl etməlidir. Kimsə xaricdən maliyyələşərək ölkədə qarşıdurma yaradırsa bu araşdırmalıdır. Həqiqətən başqa ölkədən gələn təlimat üzrə ölkədə qarşıdurma yaradırlarsa buna qanunla cavab verilməldir".

Telegramda izləyin

instagramda izləyin