"Gültəkin Hacıbəylinin hərəkəti onların anti-milli ünsür olduqlarını bir daha sübut etdi"- Seymur Orucov

Xəbər verdiyimiz kimi, Milli Şura oktyabrın 19-da metronun "28 may" stansiyasının yaxınlığında qanunsuz aksiya keçirib. Oktyabrın 20-də Real TV-nin "Mirşahinin vaxtı" verilişində Bakıdakı icazəsiz mitinq haqqında danışılıb. Mir Şahin Ağayev Bakıda icazəsiz aksiyada bir çox sensasion məqama diqqət çəkib. O, mitinq keçirmək istəyənlərin cəhdinin əslində haralara gedib çıxdığını izah edib. Jurnalist bildirib ki, hər şey xaricin müdaxiləsi və müşayiəti ilə baş verir. Belə ki, Gültəkin Hacıbəyli Amerika Birləşmiş Ştatlarının Azərbaycandakı səfirliyinin əməkdaşı Uilyam Solli və Avropa İttifaqının siyasi, sosial məsələlər və ictimaiyyətlə əlaqələr şöbəsinin rəhbəri Denis Daniilidislə də əlaqə saxlayıb, vəziyyətlə bağlı onu məlumatlandırır.

Sonxeber.az xəbər verir ki, bununla bağlı BiG.AZ-a danışan YAP Gənclər Birliyinin sədri Seymur Orucov bildirib ki, onlar hər zaman dövlətimizə xəyanət ediblər:

"Azərbaycanda hakimiyyətə gəlməyin rolu demokratik şəkildə keçirilən seçkilərlə ola bilər. Özlərini radikal müxalifət adlandıran şəxslər qanunsuz aksiya keçirməyə cəhd etdi. Həmin aksiyada cəmi 220 nəfərə yaxın insan iştirak etdi. Qanun çərçivəsində də icazəsiz aksiyanın qarşısı alındı. Onlar demokratik yolla heç bir nəalliyyət əldə edə bilməyəcəklərini anlayırlar. Çünki xalq onlara inanmır. Məhz ona görə də qarışıqlığa cəhd göstərirlər ki, xarici havadarlarından maddi vəsait əldə etsinlər. Gültəkin Hacıbəylinin etdiyi bu hərəkət doğurdan da onların anti- milli ünsür olduqlarını bir daha ortaya çıxardı. Onlar sübut etdilər ki, Azərbaycan dövlətinə və millətinə deyil, hansısa xarici qüvvələrə arxalanırlar. Bununla da onlar göstərdilər ki, xarici qüvvələrin maşalarıdır. İnanıram ki, Gültəkin Hacıbəyli tək deyil. Onun kimi bir çoxu xarici nümayəndəliklərin qanadları altında bu fəaliyyəti həyata keçirirlər. Təbii ki, bunun qarşılığında qrantlar alırlar. Onlar üçün xalq, dövlət önəmli deyil. Guya onlar hakimiyyətə gəlib sosial islahatlar həyata keçirib, insanların güzəranını düzəldəcəklər. Onlar sıraya düzülüb gözləyirlər ki, hər hansı bir maddi qrant və pul əldə etsinlər. Bunun yolunda da onlar Azərbaycan xalqının və dövlətinin maraqlarını qurban verməyə hazırdılar. Təbii ki, bu qəbul edilməzdir".

Telegramda izləyin

instagramda izləyin