""Əsrin müqaviləsi" Azərbaycanın inkişafında birbaşa rola malikdir"-Politoloq rəyi

""Əsrin müqaviləsi" Azərbaycanın inkişafında birbaşa rola malikdir"-Politoloq rəyi1994-cü ildə imzalanan və dünyaya səs salan "Əsrin müqaviləsi" Azərbaycanın inkişafında birbaşa rola malikdir.

Ölkə başçısı "Əsrin müqaviləsi"nin imzalanmasının 25 illiyi münasibəti ilə keçirilən mərasimdə bu layihənin geosiyasi dividentlərini vurğulayaraq onun strateji əhəmiyyətini bir daha vurğulayıb.

Neft uğrunda yüzillərdir gedən mübarizə bu gün başqa məcraya keçib. Hətta ABŞ dövlət rəhbəri Doland Tramp özü də etiraf etdi ki, Suriyadan qoşunlar ona görə çıxmır ki, orada neft var.

Bu barədə Sonxeber.az-a açıqlama verən politoloq Elxan Şahinoğlu bildirdi ki, bu gün neft siyasətimiz xarici siyasətlə birbaşa əlaqəlidir.

"94-cü ildə "Əsrin müqaviləsi" imzalananda biz həm ölkənin inkişafını arzulayırdıq, həm də təhlükəsizlik problemlərimizin həllini gözləyirdik. Bu gün o müqavilənin üzərindən 25 il keçib. İndi oradan əldə olunan gəlirlər həm müəyyən qədər iqtisadi islahatlara təsir edib, həyat standartlarının dəyişməsinə səbəb olub, həm də təhlükəsizliyin təminatında mühüm rol oynayıb. Məhz neft gəlirləri hesabına biz bu qədər maliyyə toplaya, hərbi sursat ala bilmişik. Bu baxımdan neft siyasətinin xarici siyasətlə birbaşa əlaqəsi var".

Məleykə Ağasoy

Siyasət   Baxılıb: 386   Tarix: 07 noyabr 2019  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR