"Əli Kərimli Azərbaycan müxalifətinə çox böyük zərbə vurur, onun imicini ləkələyir"-Fəzail Ağamalı

Əli Kərimli Müsavat Partiyasını nəzarətinə götürmək üçün Tofiq Yaqublunu ön plana çıxarır. O İsa Qəmbəri və Arif Hacılını da sıradan çıxarmağı planlayır. Bununla da Əli Kərimli müxalifət düşərgəsini dağıtmağa çalışır.
Bununla bağlı Sonxeber.az-a danışan millət vəkili Fəzail Ağamalı Əli Kərimlinin əsl niyyətinin Müsavat Partiyasında rəhbərliyini ələ keçirmək olduğunu açıqlayıb:
"Əli Kərimli həqiqətən Müsavatı ələ keçirmək və onu bitirmək istəyində idi. Çox qəribədir ki, məndə olan məlumata görə Arif Hacılı da bunu bilirdi. Amma yenə də onlar bir masanın arxasında əyləşir, mehriban düşmənlər kimi bir- birinə təbəssüm edərək mübarizə aparırlar. Əli Kərimli istəyirdi ki, Arif Hacılı sədr olaraq seçilməsin, kənarda qalsın".
Millət vəkili bidirib ki, bu zaman İsa Qəmbərin işə qarışması və Arif Hacılının məsələdən xəbər tutması Əli Kərimlinin bu layihəsini reallaşmasına imkan vermədi. Həmin vaxt isə sədr vəzifəsi Tofiq Yaqublunun üzərində dayanmışdı. Lakin, bu da alınmadı. Fəzail Ağamalı qeyd edib ki, bu məsələdən 1 ay keçməmiş partiya fəalları eyni masanın ətrafında əyləşdilər:
"Bu gün dəyirmi masa ətrafında öz çirkin liderliklərini qorumaq üçün İsa Qəmbəri təhqir edən Əli İnsanov, İsa Qəmbəri və Arif Hacılını siyasətdən təmamilə yox etməyə bütün imkanları qoyan Əli Kərimli üz- üzə əyləşirlər. Başa düşə bilmirəm, doğurdanmı dəyərlər onlar üçün qalmayıbdır? Düşünürəm onlar üçün dəyər söhbəti yoxdur. Onlar düşmənlə belə əməkdaşlığa hazır olan insanlardır, mehriban düşmənlərdir".
Fəzail Ağamalı həmçinin qeyd edib ki, bu gün ən acınacaqlı hadisə onların Azərbaycan müxalifətinə çox böyük zərbələr vurmağı, onun imicini ləkələməyidir. O, bildirib ki, Əli Kərimli kimilər normal müxalifətin inkişafına, Aərbaycan dövlətçiliyinə, onun qarşı qoyduğu hədəflərin formlaşmasın imkan vermirlər. Kimsə önə çıxmaq istəyirsə, dərhal ona hücum çəkir, sosial- şəbəkələrdə təhqir edirlər. Düşünürəm ki, bu cür müxalifətçi ola bilməz.

Şəlalə Babayeva

Telegramda izləyin

instagramda izləyin