"Mənzil sığortası vasitəsilə insanlarda digər sığorta növlərinə maraq yaranacaq"-RƏY

2020-ci ilin əvvəlindən Azərbaycanda daşınmaz əmlakın icbari sığortası çərçivəsində yaşayış evlərinin kütləvi sığortası həyata keçirilib.
Bazarın bu il nə qədər genişlənə biləcəyi ilə bağlı proqnozlar varmı? Sığorta şirkətləri bazara yeni məhsulları ilə girəcəklərmi? Sığortadakı bərpa istehsal sahəsindəki biznesin canlanmasına təsir göstərə biləcəkmi?

Mövzu ilə bağlı Sonxeber.az-a sığorta-eksperti Xəyal Məmmədxanlı açıqlama verib. O, bildirib ki, daşınmaz əmlakla bağlı son zamanlarda yazılan sığorta müqavilələrinin sayı onu göstərir ki, daşınmaz əmlakın sığortası bu sürətlə təsdiq olunmağa başlasa yəqin ki, bazarda ciddi bir artıma gətirib çıxaracaq rəqəmlərdi:
"Düzdür, bu rəqəm nə qədər olacaq bilmirəm amma bütün qeydiyyatda olan, yəni mülkiyyət hüququ olan əmlaklar sığortaya cəlb olunsa, bu rəqəm ilkin hesablamalarıma görə yəqin ki, 60-70 milyon ətrafında bir rəqəm olacaq. Amma vəziyyət ondan ibarətdir ki, bu gün sığorta şirkətlərinin yaratdığı süni ajiotajlar var. Düzdür, qanun var və cərimə mexanizmi də 2011-ci ildən təsdiq olunub. Lakin belə bir fikirlərlər var ki, əmlakınızı sığortalamasaz sizi cərimələyəcəklər. Bu məsələlər sadəcə ajiotajdır. Çünki hazırda cərimənin tətbiq olunması barədə heç bir müzakirə aparılmır və söhbət mövzusu da deyil. Amma təbii ki, qanundakı bu məslələrdən istifadə edərək sığorta şirkətləri, sığorta müqavilələləri yazırlar və bu işlə məşğul olurlar. Hətta kifayət qədər ciddi sayda müraciət var və onlar da bunların sığortalanması ilə məşğuldurlar. Bu ajiotaj həmçinin onlara sərf edir. Nəzərə alsaq ki, şirkətlərin bir çoxu əsasən avtomobillərin icbari sığortasını həyata keçirirlər. Həmin o sığorta növündə zərərlilik kifayət qədər yüksəkdir. Yəni avtomobillərin icbari sığortası demək olar sığorta şirkətləri üçün öz cazibəsini itirmiş bir məhsul kimidir, çünki zərərdədilər. Düşünürəm ki, əmlak sığortası gəlirli sığorta növü olduğuna görə təbii ki, çox ciddi zəlzələlər və sair olmasa demək olar ki, sığorta şirkətlərinin biznesinə yaxşı mənada müsbət təsir göstərəcək. Eyni zamanda sığorta şirkətlərinin mənzil sığortası vasitəsilə evlərə girməsi və yaxud vətəndaşlarla ünsiyyətdə olması onların digər sığorta növlərinə olan marağının yaranmasına səbəb olacaq. Hər bir halda sığorta biznesinin gəlirliyinin artmasına, sağlamlaşmasına təsir göstərəcək.

Fəridə Ağazadə

Telegramda izləyin

instagramda izləyin