"Qlobal istiləşmə bəzi fırıldaqçıların trilyonlar qazanmaq üçün oyunudur"-Ekoloq
Dünya İqtisadi Forumunun (WEF) bu yaxınlarda dərc olunan illik hesabatında 2020-ci il üçün ən ciddi problem kimi iqlim dəyişikliyi və təbii fəlakətlərlə əlaqəli risklərin olması müəyyənləşdirilib. Proqnozlara görə, bu il təbii fəlakətlər, həddindən artıq isti hava, nəzarətsiz yanğınlar və su çatışmazlığının olacağı xüsusi vurğulanır.
WEF-nin qeyd olunan risklərinin Azərbaycanın yerləşdiyi coğrafi bölgə üçün çox aktualdır. Quraqlıq və suvarma problemləri, şoranlıq və torpağın eroziyası, dövri sel və sel suları, tez-tez meşə yanğınlarının baş verməsi demək olar ki, yerli fermerlərin hər il üzləşdikləri risklərin tam siyahısı deyil. Son illərdə dövlət tərəfindən maliyyələşdirilən irimiqyaslı suvarma layihələrini, şoran və çirklənmiş ərazilərin bərpası və dövriyyəyə qaytarılmasını, habelə riskli əkinçilik zonasında fəaliyyət göstərən kənd təsərrüfatı sektorunun problemlərini həll etməyə kömək edən amillər nələrdir?
Mövzu ilə bağlı ekoloq Telman Zeynalov Sonxeber.az-a açıqlama verib. O, bildirib ki, sadaladığınız problemlər bütün dünya üçün qorxulu bir problemdir:
"Lakin bu realdırmı? Dediyim kimi, iqlim istiləşməsi ilə bağlı verilən proqnozlar bir oyundur ki, kommersantlar, nəhəng korposasiyalar bundan milyardlarla pul qazanırlar.Yer kürəsində həmişə belə iqlim dəyişmələri olub. Temperatur bir yerdə artırsa, digər yerdə aşağı düşür. Əgər Rusiyanın şimalında temperatur artıbsa, cənub hissədə-Avstraliyada elə qar yağır ki, ömründə elə şaxtanı onlar görməmişdilər. Amma iki gün bundan əvvəl Cənubi Afrikada temperatur müsbət 50 dərəcəyə çatmışdı. Yəni, Yer kürəsində harasa isinirsə, harasa da soyuyur və bu Yer kürəsinin fırlanma oxundan asılıdır. Əgər indi şimal qütb oxu fırlanıb günəşə doğru hərəkət edirsə, deməli ora isinəcək, digər tərəflər soyuyacaq. Bu təbiətin qanunudur. Belə oyunlarla dövlətləri müflis vəziyyətə salırlar və dövlətləri məcbur edirlər ki, alternativ bu və ya digər enerji vasitələrindən istifadə etsinlər. Bunu çirkin siyasi fırıldaqçılar həyata keçirirlər ki, milyonlar qazansınlar.
Xatırlayırsınızsa, 2012-ci il dekabrın 21-i dedilər ki, dünyanın axırıdır. Bu elandan sonra mağazalarda bütün keyfiyyətsiz mallar, yəni, vaxtı bitən yeyinti məhsullarının hamısı satıldı. Bu da o deməkdir ki, həmin korporasiyalar öz oyunlarını oynayırlar. Dövlətlər və siyasətçilər də onlardan asılıdırlar. Onlar milyonlarla pul sərf edirlər ki, əlavə trilyonlar qazansınlar. Bu da həmçinin eyni oyundur.
İqlim dəyişmələri gah quraqlıq, gah da həddən artıq yağıntılı olur. 1960-1970-ci illər arasında Azərbaycanda çox quraqlıq deyil, nəmişlik illəri olmuşdu. Qış vaxtı həddindən artıq qar, yaz-yay vaxtı isə yağış yağdı və həddindən artıq nəmişlik çox idi. Nəmişlik çox olanda da problemlər yaranır. Kənd təsərrüfatı məhsullarının bəziləri çürüyür, bataqlıqlar çoxalır. Eyni zamanda qışda yağıntının miqdarı az olur, bu da gətirib quraqlığa çıxardır. Hər iki halda bu ərzaq qıtlığına, qiymətin qalxmasına gətirib çıxara bilir. Bu da dövlətlərə mənfi təsir göstərir. Belə bir prosesdə ölkələr iqlimdə gedən dəyişiliklərə uyğunlaşmalıdırlar. Əgər quraqlıq keçirsə, yağıntıların miqdarı azalırsa, deməli kənd təsərrüfatına aid olan torpaqların nəmişliyi azdır və məhsul yığımı zəif olacaq. Azərbaycanda yağıntıların az olduğunu bildiyi və kənd təsərrüfatı məhsullarını itirməmək üçün Cənab Prezident İlham Əliyev artezian quyularının qazılmasına Sərəncam verdi. Belə bir tədbirləri həyata keçirəndə dövlətlər uduzmur, əksinə qazanırlar. Əgər bəzi fırıldaqçıların qlobal istiləşmə fikri ilə gedilsə dövlətlər uduzacaq, milyonlar itiriləcəkdir.
Fəridə Ağazadə
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş