"İlin sonunda mal və xidmətlərin qiymət artımı idxal və ixracdan asılı deyil"-RƏY

2019-cu ilin dekabr ayında Azərbaycanın qeyri-ərzaq bazarında maraqlı bir tendensiya müşahidə edilib. Belə ki, bir sıra malların-geyim, ayaqqabı, parçalar, xalça və digər döşəmə örtükləri, mebel və ev aksesuarları, divar kağızları, yağlar, sulu boya, soyuducular, velosipedlər, tozsoranların qiymətlərində artım, digər malların qiymətində isə, yəni kondisionerlər, mobil telefonlar, televizorlar, kəsilmiş taxta və sintetik yuyucu vasitələrin əksinə azalma müşahidə edilib.
İlin sonunda qeyri-ərzaq məhsullarının qiymətlərinin belə qəribə dinamikasının səbəbləri maraqlı məqamlardadır. Həmçinin belə malların mövsümi olaraq ildən-ilə təkrarlanması müşahidə edilirmi? Yaxud da dekabr ayının qiymətlərini xüsusi mal növlərinin hansisa qiymət meyllərinin başlanğıcı kimi qəbul edilməlidir? Bu qiymətlər idxal və ya ixrac komponentindən nə dərəcədə asılıdır?

Bununla bağlı Sonxeber.az-a danışan iqtisadçı- ekspert Cəfər İbrahimli bayram və ilin yekununda belə hallarla qarlaşmanın normal olduğunu açıqlayıb:

"Qeyri -ərzaq məhsullarının artımı və azalması ilə bağlı olan məsələlər, xüsusən də ilin axırı olan dekabr ayından söhbət gedirsə, gözləniləndir. Həmişə ilin axırıncı ayında, xüsusən bayram və ilin yekunu ilə bağlı, ilin nəticələrinə görə ödəmələr olur. Yəni bayramqabağı bu mal və xidmətlərə həmişə tələbin artdığı müşahidə olunur. Mən bu məsələdə belə dəyişikliyi real olaraq qəbul edirəm. Bu hal yanvar və fevral aylarında tənzimlənən məsələdir".

Ekspert qeyd edir ki, təlabat olduğuna görə mal və xidmətlərin qiymətində müəyyən qədər oynaqlığın olması, bayram dönəmləri, tətil vaxtı insanların alver etmək vaxtları üçün uyğunluq təşkil etdiyinə görə real vəziyyətdir:
"Qorxuducu bir durum deyil. Dekabr aylarında hər hansısa geyim əşyalarında və yaxud da hansısa xidmətlərə tələbin qəfl artması inflyasiyaya təsir etməyəcək. Bu halı yeni ildə bu kimi malların artıb-azalmasında böyük təsirə sahib olacaq göstərici hesab etmirəm".

Şəlalə Babayeva

Telegramda izləyin

instagramda izləyin