"Mehri dəmiryolunun işə düşməsi 5-7 rayonun işğaldan azad olması deməkdir"- RƏY

Ermənistanın Rusiyadakı səfiri Vardan Toqanyan bəyan edib ki, Ermənistan hökuməti "Rusiya Dəmir Yolları" ilə Gürcüstanın Batumi limanından Rusiya Federasiyasına bərə keçidi yaratmaq barədə danışıqlar aparır. Onun sözlərinə görə, tərəflər keçidin birgə işlənməsi imkanlarını müzakirə edirlər. O əlavə edib ki, erməni istehsalçılarının Gürcüstan limanlarından, nəinki Batumi, o cümlədən Poti vasitəsilə Novosibirskə malların daşınması üçün hər zaman istifadə imkanları olub və hazırda var.

Bununla Sonxeber.az-a danışan Siyasi İnnovasiya və Texnologiya Mərkəzinin (SİTM) sədri Mübariz Əhmədoğlu bildirib ki, Rusiyanın Ermənistandakı indiki kommunikasiya vəziyyətinə münasibəti bizim əleyhimizə dəyişib: "Eyni zamanda bu məsələdə Rusiya İrana da müəyyən qədər təsir edir. Rusiyada müəyyən bir qrup var ki, onlar Mehri dəmir yolunun açılmasına çalışır. SSRİ dövründə Moskvadan gələn yüklər Ermənistana Azərbaycan ərazisi ilə daşınırdı. Çünki SSRİ dövründə daşımaların 80 faizi Ermənistana Azərbaycan ərazisindən keçən dəmiryolu vasitəsi ilə gedirdi. Bu gün Azərbaycan ərazisindən keçən Mehri dəmiryolunun işə düşməsi bizim 5-7 rayonumuzun işğaldan azad olunmasına səbəb olmalıdır. Çünki Mehri dəmiryolunun keçdiyi ərazilər hazırda ermənilərin işğalı altındadır. Ermənilər isə Azərbaycanın torpaqlarını işğaldan azad etmək istəmirlər. Bunun cavabında isə ermənilər Rusiyanın tərkibində başqa qruplaşma tapıblar. Guya onlar malları İrəvandan Batumiyə dəmiryolu vasitəsi ilə daşıyacaqlar. Batumidə də 2 bərə alıblar. Həmin bərələrlə yüklər Novosibirsk limanına daşınacaq. Bu vaxtı ilə işlənmiş və özünü doğrultmayan marşrutdur. Hazırda gündəlikdə olan məsələ İranın Ənzəli limanı ilə bağlıdır. Yəni, Rusiyadan Ermənistana gedən yüklər İranın Ənzəli limanına daşınmalı, oradan da maşınlarla İrəvana aparılmalıdır. Bu marşrut da uğurlu olmayıb. Hazırda kommunikasiya məsələsində Azərbaycan üçün təhlükəli olan məsələ Gürcüstanın daxilində gedən proseslərdir. Gürcüstanın ərazisinə ən azı iki istiqamətdə yollar çəkilir ki, bununla da Ermənistanın Rusiyaya çıxışı asanlaşa bilər. Təəssüf ki, gürcülər bizimlə başqa cür danışıb sonra ermənilərə şərait yaratmağa çalışırlar".

Aysel Yusifqızı

Telegramda izləyin

instagramda izləyin