"Xalqın zövqünə lağ edən getsin başını müalicə etdirsin" - Afət Fərmanqızı aparıcını hədəf aldı

Müğənni Afət Fərmanqızı aparıcı Rövşanə Ağasəfqızına söz atıb.

Yenisabah.az xəbər verir ki, efirdə müğənni Manaf Ağayevin oxuduğu müsiqələri bəyənmədiyini deyən Rövşanəyə Afətdən cavab gecikməyib.

Xanım ifaçı sosial şəbəkədə video paylaşaraq onu xalqı lağa qoymaqda ittiham edib:

"Dostlar, bayaq bir kadr rastıma çıxdı. Bir aparıcı müğənniyə deyir ki, sənin səsin yaxşıdır, amma oxuduğun mahnılar zövqümcə deyil. O janrı bəyənmir. İroniya ilə lağ edir, üstdən aşağı baxır. Mən başa düşmürəm, bu janrı bəyənib, balalarının toyuna çağırıb oxudan insanları sənə kim icazə verib ki, alçaldırsan, lağ edirsən? Sənin zövqün etalon deyil. Zövqünü etalon hesab edirsənsə, sənin başın xarabdır, başını müalicə etdir. Xalqın istəyi nədirsə, biz onu oxuyuruq. Xalqın qadasını alım. Kim xalqın zövqünə lağ edirsə, getsin başını müalicə etdirsin. Əgər o aparıcı ilə razısınızsa, mən bu videomu silib, sözümü geri götürəcəyəm!".

Xatırladaq ki, Rövşanə Ağasəfqızı verilişində müğənni Manaf Ağayevi pərt etmişdi. Rövşanə onun oxuduğu janrı bəyənmədiyini bildirib.

Həmin görüntüləri təqdim edirik:

Telegramda izləyin

instagramda izləyin