"Rəsmi Bakı işğal edilmiş torpaqlarında keçiriləcək qondarma seçkilərə qəti etiraz edir"-RƏY
ABŞ Kongerensinin bir neçə üzvü martın 31 -də Azərbaycanın işğal olunmuş ərazilərində keçiriləcək qondarma rejimin seçkilərini müşahidə edəcək. Kongrensin ermənipərəst üzvülərinin təlimatlandıran və istiqamət verən Amerika Erməni Assembleyası ümumi dövlət prinsiplərini rəhbər tutaraq Qarabağdakı qondarma seçkiləri ermənilər üçün siyasi əhəmiyyətini qabardır.
Mövzu ilə bağlı politoloq Məhəmməd Əsədullazadə Sonxeber.az-a açıqlama verib. O, bildirib ki, ermənilərin nə ad verməsinə baxmayaraq, ATƏT-in Minsk qrupunun həmsədri olan bir dövlətin koqrensmenlərinin münaqişənin həllinə zərbə vuran açıqlama və fəaliyyəti beynəlxalq hüququn prinsiplərinə zidd olmaqla yanaşı, Vaşinqtonun ədalətli vasitəçilik siyasətinə kölgə salmış olur:
"ABŞ administrasiyası və Dövlət Departamenti Ukrayna və Gürcüstandakı separatçılara necə embarqo tətbiq ediblərsə, bunu Qarabağdakı separatçılara da tətbiq etməlidirlər. Sanksiyalar tətbiq edilsə, heç bir konqrensmen Azərbaycanın işğal olunmuş ərazilərinə səfər edə bilməz.
Fikir versək kongresmenlərin Qarabağa gəlişi ilə bağlı rəsmi Bakı bu barədə ABŞ-a sorğu və nota təqdim etdiyi zaman, onlar rəsmi cavablarında qeyd edirlər ki, bu konqresmenlərin müstəqil fəaliyyətidir və Konqresin işinə müdaxilə etmirik. Sual oluna bilər ki, niyə konqrensmenlər Abxaziya, Cənubi Osetiya və Donbasa səfər edib oradakı seçkiləri müşahidə edə bilmir amma Qarabağa gəlirlər? Qarabağla bağlı isə tamam beynəlxalq hüquqa zidd mövqe tutmaqla, həmçinin vasitəçi dövlət kimi neytrallallığını nəzərə almadan dövlət deyil, maddi maraqları üstün tutub bu yanlış siyasətə gedirlər.
Ona görə də Qarabağ münaqişəsinin həlli ilə bağlı proseslərdə Minsk qrupunun həmsədr dövlətlərinin fəaliyyətinə görə bu gün Ermənistan öz işğalçı siyasətindən geri çəkilmir. Danışıqlarda hər gün bir mövqe ortaya qoyur. Ona görədə də danışıqların imitasiyasına yol verməmək üçün Azərbaycan atəşkəsə əməl etməsində maraqlı olmamalıdır. 1994-cü il Bişkek protokolu və 2016-cı il atəşkəsin qorunması üçün Moskvada imzalanan sənəd artıq Azərbaycanın əleyhinədir.
Rəsmi Bakı öz işğal olunmuş ərazilərində keçiriləcək qanunsuz seçkilərdə iştirak etmək istəyən dövlətlərə kəskin etiraz etməli və indidən danışıqlar aparıb buna imkan verməməlidir".
Fəridə Ağazadə
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş