Türkiyə və Azərbaycan arasında Güzəştli Ticarət Sazişi imzalanacaq

Türkiyə Prezidenti Rəcəb Tayyib Ərdoğanın sabah Azərbaycana səfəri çərçivəsində iki ölkənin iş adamlarının uzun müddətdir ki, gözlədiyi Güzəştli Ticarət Sazişi imzalanacaq.

Sonxeber.az-ın məlumatına görə, sabah Bakıda reallaşacaq Türkiyə-Azərbaycan Yüksək Səviyyəli Strateji Əməkdaşlıq Şurasının Yığıncağında iki ölkə arasında Güzəştli Ticarət Sazişi imzalanacaq.
Ziyarət çərçivəsində Ərdoğan və Prezident İlham Əliyevin rəhbərliyi ilə Türkiyə-Azərbaycan Yüksək Səviyyəli Strateji Əməkdaşlıq Şurasının Toplantısı keçiriləcək. Görüşdə iki ölkə arasında ticarət, müdafiə, idman və digər sahələr üzrə 9 müqavilənin imzalanması nəzərdə tutulub.

15 fərqli məhsula aid qarşılıqlı gömrük rüsumundan azad edilmə və endirimi ehtiva edən Güzəştli Ticarət Sazişi imzalanacaq müqavilələr arasında prioritet kəsb edir. Bu müqaviləni hər iki ölkənin iş adamları uzun müddətdir ki, gözləyirlər.
Azərbaycanda fəaliyyət göstərən türk iş adamları, görüşdə qəbul ediləcək qərarların, xüsusən də Güzəştli Ticarət Sazişinin ölkələrimiz arasında ticarət əlaqələrinin inkişafını sürətləndirəcəyini bildiririblər.

Fəridə Ağazadə

Telegramda izləyin

instagramda izləyin