"Neftin qiymətinin aşağı düşməsi manatın devalvasiyası anlamına gəlmir"-Vahid Əhmədov
"Əmanətlərin tam sığotrtalanması 3 il müddətində öz bəhrəsini verdi".
Sonxeber.az xəbər verir ki, bunu bu gün Milli Məclisin plenar iclasında millət vəkili Vahid Əhmədov bildirib.
V. Əhmədov deyib ki, hazırda əmanətlərin 8,5 milyard manatla olan əmanətlərdir: "Niyə Əmanətlərin tam siığortalanması 9 ay müddətinə nəzərdə tutulub? Bu çox qısa müddətdir. Hökumət ümumiyyətlə, əmanətləri orta müddətli dövr üçün tam sığortalamalıdır. Məsələn, 3 il müddətində. Neftin bazar qiymətinin düşməsi ilə bağlı bəzi söz-söhbətlər gəzir. Bankların qarşısında növbələr var. Əhali manatı dollara çevirmək üçün təşviş içərisindədir. Mərkəzi Bankın B planı olması ilə bağlı Elman Rüstəmov bəyanat verib. Amma mən təklif edirəm ki, Mərkəzi Bank əhaliyə kifayət qədər məlumat versin. Maliyyə Sabitliyi Şurası əhaliyə geniş məlumat verməlidir ki, yaxın müddət ərzində Azərbaycanda heç bir narahatlıq olmayacaq. Qanunun 9 ay uzadılması heç bir effekt verməyəcək. Həm koronavirus, həm də neftin bazar qiymətinin düşməsi buna imkan verməyəcək. Prezidentə müraciət edirəm ki, əmanətlərin tam sığortyalanması müddətini 3 il müddətinə uzadacaq. Onda əhali müəyyən qədər rahatlıq tapar. Komitədə müzakirə aparılmadığı üçün bunu iclasda qaldıra bilməmişəm. Amma bu qanunun 3 il müddətinə uzadılması çox vacib məsələdir ".
Milli Məclisin İqtisadi Siyasət, sənaye və sahibkarlıq komitəsinin sədr müavini Əli Məsimli qeyd edib ki, əmanətlərin tam sığortalanması ilə bağlı qanun layihəsinin ortalığa çıxması 2015-ci ildə baş verən devalvasiyalarla bağlı prosesi yumşaltmaq məqsədi daşıyırdı: "Bu qanunun qəbul edilməsi xüsusi əhəmiyyət kəsb edir. Hazırda manata və bank sisteminə güclü təzyiq var. Bu qanunun qəbul edilməsi manata və banklara inamın dolayı yolla artırılmasına xidmət edən addım olacaq. Hazırda yaradılan ajiotajdan istifadə etmək istəyənlər var. Nazirlər Kabinetində Baş Nazir tərəfindən keçirilən müşavirədə ajiotajın aradan qaldırılması üçün müəyyən tezislər irəli sürüldü. Azərbaycanda əmanətlər ÜDM-nin 10 %-i civarındadır.Bu qanunun qəbul edilməsi ilə bankların reputasiyasının yaxşılaşdırılması ilə bağlı hədəf də qoyulmalıdır. Elə şərait yaradılmalıdır ki, əhali əlindəki əmanatə banklara etibar etsin. əhali banklara əmanətləri ən azı 1 il müddətinə qoyur. Bu müddətin 9 ay artırılması anlaşılmazdır. Mərkəzi Bank və Milli Məclisin İqtisadi Siyasət, sənaye, sahibkarlıq komitəsinin ciddi dialoq aparmasına ehtiyac var. bu qısa müddət ərzində daha işlək və operativ mexanizmin ortaya çəxmasına səbəb olacaq. Neftin qiymətinin aşağı düşməsinin manatın devalvasiyası anlamına gəlmir. Neftin qiyməti 30 dollar həcmində olsa bu, 2020-ci ilin 24 milyard manatlıq büdcəsinə 4 % təsir göstərəcək".
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş