Boris Conson xəstəxanaya yerləşdirildi

Yeni növ koronavirus testi (Kovid-19) daha əvvəl müsbət çıxan İngiltərənin Baş naziri Boris Conson xəstəxanaya yerləşdirilib.

Sonxeber.az xarici mətbuata istinadən xəbər verir ki, "Baş nazir həkiminin tövsiyəsi ilə bu axşam müayinə üçün xəstəxanaya aparılıb", - deyə İngiltərə Baş Nazirlik Ofisi bu barədə məlumat verib.

Kovid-19 əlamətlərinin davam etdiyi 55 yaşlı Baş nazirin xəstəxanaya yerləşdirilməsinin profilaktik məqsədlə edildiyi qeyd edilib.
Martın 27-də qızdırma və öskürək kimi simptomları olan Boris Consonun testi müsbət olub.

O zamandan bəri özünü izolyasiya edən Baş nazir Conson, aprelin 3-də çəkdiyi videoda aşağıdakı ifadələri işlədib:

"Özümü daha yaxşı hiss edirəm. 5 günlük izolyasiya olmağıma baxmayaraq, təəssüf ki, hələ kiçik bir simptom var . Qızdırmam olduğuna görə hökumətin tövsiyəsi ilə özümü təcrid etmək məcburiyyətindəyəm."

F.Ağayeva

Telegramda izləyin

instagramda izləyin