Reklam agentlikləri tərəfindən Cənab Prezidentə ünvanlanan müraciət məktubunu

Reklam agentlikləri tərəfindən Cənab Prezidentə ünvanlanan müraciət məktubunuAzərbaycan Respublikasnın Prezidenti
İlham Əliyev cənablarına
Azərbaycan reklamçılarının müraciəti

Hörmətli cənab Prezident,

İlk növbədə ölkə əhalisini, eləcə də, ölkəmizdə təşəkkül tapmış biznes mühitini düşünərək atdığınız operativ addımlara və yüksək diqqətinizə görə reklam sahəsinin təmsilçiləri olaraq Sizə dərin minnətdarlığımızı bildiririk.

Hazırda dünya COVID-19 pandemiyası ilə mübarizə aparır. Dünyanın nəhəng dövlətləri belə bu bəlanın qarşısında aciz qalıb. Ancaq Siz ilk gündən bu problemə qarşı yüksək uzaqgörənlik nümayiş etdirərək, tədbirlər görülməsini tapşırdınız. Nəticələrin ölkəmiz üçün uğurlu olacağına inanırıq.

Siz öz çıxışlarınızda dəfələrlə vurğulamısınız ki, ölkə əhalisinin sağlamlığı və rifahı ən vacib məsələlərdir. Ona görə də sahibkarlara şəffaf çalışmağı və işçi ixtisarına getməməyi tövsiyə etmisiniz. Bu ağır dönəmdə dövlətin sahibkarların yanında olması, onları dəstəkləməsi üçün verdiyiniz tapşırıqlar bizdə də yüksək məsuliyyət yaradır.

Bizim fəaliyyət göstərdiyimiz sahə iqtisadi proseslərə qarşı ən həssas sahələrdən biridir və olduqca geniş fəaliyyət istiqamətlərinə malikdir. Marketinq strategiyalarının yaradılması, dizayn xidmətləri, digital xidmətlər, reklam konstruksiyalarının və müxtəlif çap məhsullarının istehsalı, PR xidmətləri, media xidmətləri, tədbirlərin təşkili üzrə xidmətlər və s. bizim sektorun əhatə dairəsindədir.

Bir tərəfdən sektordakı şirkətlərin böyük əksəriyyətinin kiçik və mikro sahibkarlıq subyektləri olması, digər tərəfdən də reklam biznesinin digər bizneslərdən asılı olması səbəbindən ölkənin iqtisadi həyatında ən cüzi dəyişikliklər belə ona təsir göstərir. Hazırkı şəraitdə sektorun üzləşdiriyi problemlər aşağıdakılarla əlaqədardır:

1. Pandemiya ilə əlaqədar elan edilmiş xüsusi karantin rejimində bir çox xarici və yerli şirkətlərin fəaliyyət göstərməməsi və ya məhdud şəkildə fəaliyyət göstərməsi, əhalinin və nəqliyyatın hərəkətinin məhdudlaşdırılması, alış-veriş məkanlarının, qeyri-ərzaq mağazalarının bağlanması xidmət və alıcılıq qabiliyyətini aşağı salmış və reklam sektorundakı fəallığı hədsiz dərəcədə azaltmışdır. Reklam agentliklərinin çoxu demək olar ki, fəaliyyət göstərmir. Çünki onların gəlirinin formalaşdığı tək bir mənbə var: reklamverənlərin verdiyi reklamlar. İndi artıq bu mənbə demək olar ki, yoxdur.

2. İqtisadi aktivliyin zəiflədiyi mövcud şəraitdə müştərilərinin bir qismi öz maliyyə öhdəliklərini yerinə yetirə bilmədiklərindən yaranan maliyyə kəsirləri sektordakı şirkətləri də zəiflədir.

3. Sahəyə aid olan və istehsalla məşğul olan şirkətlərin fəaliyyəti məhdudlaşdırılıb. Çünki onların fəaliyyət istiqamətinin adı Nazirlər Kabineti yanında Operativ Qərərgah tərəfindən fəaliyyətinə icazə verilən sahələrin siyahısında əks olunmayıb.

4. Belə sınaqlı günlərdə bizim qarşımızda duran əsas məsələ əməkdaşlarımızı işdə saxlaya bilmək, onların maaşlarını vaxtlı-vaxtında ödəməkdir. Şirkətlər fəaliyyət göstərməsə də, və ya məhdud şəkildə fəaliyyət göstərsə də dövlətimizin tutduğu xətti dəstəkləyərək bu addımı atmaq əzmindədirlər.

5. Reklam agentliklərinin xərclərində ən böyük çəki əməkhaqqı fondu ilə birlikdə həm də, DSMF-na ödənişlərin və icarə ödənişlərinin payına düşür. Ofislər demək olar ki, boş qalsa da icarə haqları ödənilməlidir.

Hazırda ölkə iqtisadiyyatının ən ağır vəziyyətdəki sektorlarından biri olan reklam sektorunu qorumaq, onun keyfiyyətli kadrlardan məhrum olmadan böhrandan çıxmasını təmin etmək post-koronavirus dövründə ölkə iqtisadiyyatının dinamik inkişafına böyük töhfələr verəcəkdir. Belə ki, şirkətlərimiz iqtisadi canlanmanın baş verəcəyi post-koronavirus dövründə həm keyfiyyətli reklam üçün ölkə xaricinə üz tutmağa məcbur qalmayacaq, həm də ölkəmizin reklam sektoru elə iqtisadi canlanmanın özünün lokomotivi roluna çıxış edə biləcəkdir.

Buna görə də Sizdən reklam sektoruna dəstək olunması üçün aşağıdakıları xahiş edirik:

1. Reklam sektorunun iqtisadiyyatın ən çox zərər görən sektorları siyahısına daxil edilməsini. Bununla da dövlətin qayğı göstərdiyi sektorlar siyahısına salınmasını;

2. Sektor məşğulluğun təmin olunmasına ciddi töhfə verdiyindən bu sektorun belə ağır bir dönəmdə maddi yükünü azaltmaq üçün reklam şirkətlərinin DSMF ödənişlərindən 01 mart 2020-ci il tarixindən ilin sonunadək azad olunmasını;

3. Reklam sektoru ilə əlaqəli istehsal sahələrinin fəaliyyətinə məhdud səviyyədə də olsa Nazirlər Kabineti yanında Operativ Qərərgah tərəfindən fəaliyyətinə icazə verilən sahələr siyahısına daxil edilməsini;

4. Hal-hazırki və post-koronavirus dövründə bu sahənin dayanaqlığını təmin etmək vasitəsi kimi, bu sektorun ƏDV ödəyicisi olan şirkətlərinə ƏDV-dən və mənfəətdən vergisindən əlavə güzəştlərin verilməsini ("0" dərəcə ilə vergiyə cəlb edilmə və ya daha aşağı ƏDV faizinin müəyyən edilməsi, mənfəətdən vergisindən 50% güzəşt verilməsi);

5. Sektordakı şirkətlərə dövlət tərəfindən imkan daxilində birdəfəlik maddi yardım dəstəyini, bu sahənin şirkətlərinin mövcud kredit borclarının ödənilməsinə tətil verilməsini;

6. Sektordakı şirkətlərə girovsuz və aşağı faiz dərəcələri ilə güzəştli kredit xəttinin açılmasını;

7.Sektora qayğı baxımından atılması mümkün hesab olunan digər addımların atılmasını xahiş edirik.

Sektoru təmsil edən şirkətlər olaraq biz də öz intellektual və əmək resurslarımızla dövlətimizin pandemiyaya qarşı apardığı mübarizədə ona dəstək olacağımızı, bu istiqamətdə Nazirlər Kabineti yanında Operativ Qərargahla sıx əməkdaşlıq şəraitində çalışmağa hazır olduğumuzu bəyan edirik!

Diqqətiniz və qayğınız üçün öncədən təşəkkür edirik!

Dərin ehtiramla,

Marketinq Peşəkarları İctimai Birliyi
İH sədri Bayramov N.L.

həmçinin,
PeopleBrand marketinq agentliyi
Direktor Quluzadə E.F

həmçinin,
YelloAD marketinq agentliyi
Direktor Nəcəfov A.R

həmçinin,
Endorphin reklam agentliyi
Direktor Kərimov O.Y

həmçinin,
Admedia reklam agentliyi
Direktor Məmmdov S.Ə

həmçinin,
AA&M reklam agentliyi
Direktor Şahməmmədli M.Ş

həmçinin,
Laboratoriya PR agentliyi
Direktor Yaqubova A.Y

həmçinin,
TradeMark LeoBurnett reklam agentliyi
Direktor Fətullayev A.D

həmçinin,
Morpho marketiq agentliyi
Direktor Balakişiyev F.M

həmçinin,
Digitello reklam agentliyi
Direktor Mustafayev A.O

həmçinin,
Artmood kreativ agentliyi
Direktor Mütəllimova Ü.

həmçinin,
Meteor reklam agentliyi
Direktor Həsənov R.E

həmçinin,
Paradox dizayn studiyası
Baş Direktor Ramazanov Ş.S

həmçinin,
İmpler reklam agentliyi
Direktor Mirzə İ.K

həmçinin,
Gravity Inc. reklam agentliyi
Direktor Əlizadə T. S

həmçinin,
Promoline Advertising
Direktor Səfərov F.

həmçinin,
DePromo Advertising
Direktor Mahmudov A.

həmçinin,
Vitam reklam şirkəti
Direktor Əliyev T.

həmçinin,
Minicards Azerbaijan
Direktor Qasımov A.

həmçinin,
Greenlight Group
Direktor Yasinov E.E

həmçinin,
Smart Group
Direktor Hüseynova S.

həmçinin,
Mediamark Agentliyi
Direktor Rzayev O.

həmçinin,
New Media
Direktor Davudov R.

həmçinin,
Shamans
Direktor Yusifov O.

həmçinin,
Uptime marketinq agentliyi
Direktor Vəliyev C.

həmçinin,
Keepface
Direktor Abbasov V.

həmçinin,
Fil Agnecy
Direktor Cəbrayılova A.N

həmçinin,
Mc Cann Baku
Direktor Yusifov G.

həmçinin,
Universal Mc Cann Azərbaycan
Direktor Sultanova İ.

həmçinin,
BrandUP
Direktor İsmayılov T.

həmçinin,
Havas Media Azerbaycan
Direktor İsmayılov Z.

həmçinin,
Propaganda
Direktor Aşirov E.H

həmçinin,
Ronin Agency
Direktor Səlimbəyov A.

həmçinin,
Marcom Marketinq və Kommunikasiyalar Şirkəti
Direktor Kərimov T.A


Sonxeber.az Telegramda izləyin instagramda izləyin
Sosial   Baxılıb: 680   Tarix: 07 aprel 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti


DİGƏR MARAQLI XƏBƏRLƏR

Arıqlamaq istəyənlər bu xəbəri oxusun!

Arıqlama məhsullarından istifadə etmək, artıq çəkidən azad olmaq üçün böyük addımlardan biridir. Ancaq hər arıqlama məhsulunu etibarlı şəkildə istifadə etmək, həmin məhsula güvənmək də elədə asan deyil. Mühüm olanı sağlamlığa zərər vermədən, organizminizə ağır olmayacaq və istehsal şərtləri ilə etibarl

10 iyun 2020

Koronavirus bəlası nə zaman bitəcək? - 4 SSENARİ

Dünyanın bir sıra ölkələri kimi, Azərbaycanda da karantin və sosial təcrid rejimi tətbiq olunub. "Evdə qal!" çağırışı günün şüarıdır indi.. . Bəs COVİD-19 koronavirus pandemiyasına bəşər övladı nə zaman tam qalib gələcək? Virusa yoluxma qorxusu və riski olmadan nə zaman evdən çıxa biləcəyik

7 aprel 2020

Vərəm əleyhinə peyvəndin koronavirusa TƏSİRİ TAPILDI

Texas Universitetinin (ABŞ) epidemioloqlar qrupu məşhur peyvəndin koronavirus infeksiyası üzərində təsirini tapıb.. . Sonxeber.az xarici mətbuata istinadən xəbər verir ki, bu barədə "The IrishTimes" məlumat yayıb. Alimlər koronavirusun yayılma və ölüm göstəriciləri ilə 178 ölkədə vərəm əleyhin

7 aprel 2020

Koronavirusa qalib gələn 95 yaşlı kişi xəstəxanadan oynayaraq çıxdı

Türkiyədə maraqlı anlar yaşanıb.. . Sonxeber.az Milli.Az istinadla bildirir ki, İzmir şəhərində 95 yaşlı kişi koronavirusa qalib gəlib. O, xəstəxanadan evə buraxılarkən rəqs edib.. . İsmail adlı kişinin bu hərəkəti maraqla qarşılanıb. O, bununla koronavirusun ancaq yaşlıları öldürdüyünə dair mifi yo

7 aprel 2020

Koronavirusun sonu yaxınlaşır? - 3 ay sonra Çində bir ilk - FOTO

Çində 3 ay sonra bir ilk yaşanıb.. . Sonxeber.az Türkiyə mətbuatına istinadən xəbər verir ki, Çində uzun müddət sonra ilk dəfə koronavirusa görə ölüm hadisəsi yaşanmayıb.. . Worldometers-in məlumatına görə, ötən gün ərzində cəmi 34 nəfər koronavirusa yoluxub.. . Ekspertlər bunun koronavirusun sonunu

7 aprel 2020

Karantini evdə keçirmək istədi, arvadı evdən qovdu-VİDEO

14 günlük karantin müddətini evində keçirmək istəyən şəxsi arvadı evə qoymadı. Koronavirus epidemiyası səbəbiylə evdə 14 günlük məcburi karantin keçirmək istəyən kişini arvadı evə buraxmayıb.. . Sonxeber.az xəbər verir ki, Ukrayna Polis İdarəsinin verdiyi açıqlamaya görə, Polşadan bir gün əvvəl Ukraynay

7 aprel 2020

Koronavirusa yoluxan tibb işçiləri yenidən işlərinə qayıtdılar- FOTO

Koronavirusa yoluxmağına baxmayaraq, 2 tibb işçisi müalicə alaraq işinə qayıdıb.. . Sonxeber.az Türkiyə mediasına istinadən xəbər verir ki, Rəcəb Tayyib Ərdoğan Universiteti Təhsil və Araşdırma Xəstəxanasında, reanimasiya şöbəsinin tibb işçiləri Əhməd Uysal və bacısı Derya Yazıcıdan təxminən 15 gün əvvə

7 aprel 2020

45 yaşlı qadın 22-ci dəfə ana oldu - FOTO

İngiltərədə 45 yaşlı qadın 22-ci övladını dünyaya gətirib. . . Sonxeber.az Türkiyə mətbuatına istinadən xəbər verir ki, İngiltərənin ən geniş ailəsi hesab olunan Radfordların 22-ci uşağı doğulub. . . 45 yaşlı Sue Radford 10 saat çəkən əməliyyatdan sonra 22-ci uşağını dünyaya gətirib. . . Körpənin qı

7 aprel 2020

Əfvə düşən şəxslərdən ən yaşlısının 87 yaşı var

Prezident İlham Əliyevin imzaladığı "Məhkum edilmiş bir sıra şəxslərin əfv olunması haqqında" sərəncamı Ədliyyə Nazirliyi Penitensiar 10 saylı Cəzaçəkmə Müəssisəsində icra olunub.. . "Report"un məlumatına görə, cəzaçəkmə müəssisəsindən 16 nəfər azadlığa buraxılıb.. . Müəssisədən azadlığ

7 aprel 2020