FİFA-dan transfer pəncərəsi ilə bağlı YENİ QƏRAR

Futbol dünyası koronavirus epidemiyasından sonra yeni bir transfer dövrünə qədəm qoya bilər.

Sonxeber.az xarici mətbuata istinadən xəbər verir ki, FİFA Müşahidə Şurasının sədri Ceyms Kiçinq klubların problem yaşamaması üçün yay və qış ayları arasında əlavə bir transfer pəncərəsi aça biləcəyini söyləyib.

Almaniyada bir televiziya şousunun qonağı olan FİFA Müşahidə Şurasının prezidenti Ceyms Kiçinq, "Üçüncü bir transfer dövrünü görə bilərik. Futbolçuların bu mövzuda da özlərini təhlükəsiz hiss etmələrini istəyirik" deyib.

FİFA-nın klublara zərər gətirməsini istəmədiyini bildirən Kiçinq, növbəti mövsümün cədvəli bəlli olduqdan sonra yeni transfer dövrünün vaxtını dəqiqləşdirəcəklərini bildirib.

F.Ağayeva

Telegramda izləyin

instagramda izləyin