"Ermənistanda iqtisadiyyat dərin böhrana gedəcək və bu da etiraz dalğalarına səbəb olacaq"-RƏY
Ermənistanda koronavirusa yoluxanların sayı sürətlə artır.
Bu ölkənin iqtisadi vəziyyəti ilə bağlı iqtisadçı-ekspert Akif Nəsirli Sonxeber.az-a açıqlama verib.
O, bildirib ki, Ermənistan iqtisadiyyatı yardımlara möhtac iqtisadiyyatdır:
"Əsasən Rusiyanın, Amerikanın və Avropanın bir sıra dövlətlərinin yardımları ilə öz iqtisadiyyatını qura bilir. Demək olar ki, Ermənistan dövlət büdccəsi təxminən 3 milyard dollar civarındadır. Yəni, Azərbaycanın dövlət büdcəsindən 5 dəfə kiçikdir. Həmçinin əhalisi də Azərbaycan əhalisindən xeyli azdır. Amma bununla belə ölkədə yerli iqtisadi qaynaqlar yoxdur, yəni iqtisadiyyat tam şəkildə qurulmayıb. Ona görə də hazırda hər bir dövlətin başı özünə qarışdığından hazırda Ermənistan iqtisadiyyatına, dövlətinə əvvəl gələn yardımlar artıq azalacaq.
Hesab edirəm ki, Ermənistan iqtisadiyyatına böyük zərbə dəyəcək. Orada ilin əvvəlindən maliyə sferasında, bank sektorunda köklü müflisləşmələr müşahidə edilirdi. Artıq indi İrəvanda demək olar ki, əhalinin "evdə qal" kampaniyasına etirazları başlanıb. Əhalinin evdə qalıb maddi təminatını təmin etmək imkanı yoxdur. Digər tərəfdən də Ermənistanın dövlət büdcəsi o qədər manevr imkanlarına malik deyil ki, evdə qalan əhaliyə yardım göstərə bilsin. Yəni Ermənistan dövlətinin əlində real potensial yoxdur. Azərbaycan hökuməti pandemiya ilə mübarizəyə təxminən 2.5 milyard manat vəsait ayırıb, bu da təxminən 1.5 milyard dollara bərabərdir. Amma Ermənistan hökuməti koronavirus pandemiyasının zərərlərinin qarşılanması üçün cəmi bir milyon dollar vəsait ayırıb. Gördüyünüz kimi arada nə qədər fərq var. Belə demək olar ki, Azərbaycanın ayırdığı vəsaitdən 1500 dəfə aşağı məbləğdir. Bununla yanaşı nəzərə alsaq ki, onun ən yaxın tərəfdarı olan Rusiyanın birbaşa quru-sərhədi yoxdur. Ermənistan ilə bütün əlqələr Gürcüstan üzərindəndir. Bildiyiniz kimi Gürcüstan ilə Ermənistan arasında da müəyyən ziddiyətlər var. Ermnənistanın Gürcüstana ərazi iddiaları var. Ona görə də Rusiya ilə əlaqələri bir qədər zəifləyib. Çünki Gürcüstan pandemiyanı bəhanə edib Rusiyadan tranzit ilə gələn yüklərin Ermənsitana keçməsinə məhdudiyyət qoyub. İran hökuməti ilə əlaqələri var. Oradan müəyyən yüklər gəlir. Amma bu istiqamətdə də müəyyən məhdudiyyətlər var. Artıq Ermənistan cəmiyyətində etirazlar başlayıb ki, İrandan gediş-gəlişin artması həm də pandemiyanın Ermənistana daşınmasına səbəb olub. Bildiyimiz kimi İran pandemiyanın ən çox yayıldığı ölkədir. İstər-istəməz Ermənistan iqtisadiyyatı hazırda pat vəziyyətinə düşüb. Növbəti mərhələdə biz Ermənistanda qida qıtlıqlarını, əhalinin etiraz aksiyalarının şahidi olacağıq. Düşünürəm ki, Ermənistanda iqtisadiyyat dərin böhrana gedəcək və bu da etiraz dalğalarına səbəb olacaq".
F.Ağayeva
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş