"Koronavirusa yoluxma 50 faizdən çox insanlarda gizli gedir"- Azərbaycanlı professor Elmi tədqiqat nəticələrini AÇIQLADI

"Son günlər Türkyədə xəstəliyə yoluxma sayında xeyli azalma müşahidə olunur. Xəstəliyin azalmasının başlıca iki səbəbi var. Bunlardan birincisi dövlət tərəfindən məhdudiyyət rejiminin uzunmüddətli və davamlı olaraq gerçəkləşdirilməsi, ikincisi 65 yaşdan yuxarı şəxslərin, eləcə də 20 yaşından aşağı olanların küçəyə çıxmaq qadağasının olmasıdır".

Bu sözləri Sonxeber. az-a Türkiyənin Yıldız Teknik Universiteti, Biomühəndislik kafedrasının azərbaycanlı müəllimi, professor Adil Allahverdiyev deyib. Professor Türkiyədəki hazırki vəziyyəti şərh edib:

"Virusun azalmasına ən önəmli səbəb insanların yavaş-yavaş qadağalara əməl etməsidir. Həmin qadağaların siyahısında maska, sosial məsafə, gigiyenik qaydalar rol oynayır. COVİD- 19- a qarşı Səhiyyə Nazirliyinin Elmi Şurasında olan məlumata əsasən deyə bilərəm ki, 3-4 ay müddətində nə Türkiyədə, nə də digər yaxın ölkələrdə peyvəndlə bağlı xəbərlər olmayacaq. Son zamanda aparılan tədqiqatlar, eyni zamanda COVİD- 19-un müalicəsində istifadə edilən dərman preparatının zərərli olduğu ortaya çıxıb. Həmin dərman koronavirusun müalicəsində müsbət olduğu deyilən, bir müddət öncə malyariya xəstəliyini müalicə etmək üçün dünya alimlərinin irəli sürdüyü dərman prerparatıdır".

Professor Adil Allahverdiyev havaların isinməsi ilə virusun məhv olması məsələsinə son günlərdə aparılan elmi tədqiqatların nəticələrini deməklə aydınlıq gətirib. O həmçinin elmi tədqiqatlarda 50 faizdən çox insanlarda virusa yoluxmanın gizli getdiyini açıqlayıb:

"Havalar nə qədər isinirsə isinsin, bu virusun məhv olması demək deyil, sadəcə virusun yayılmasını azaltmış olur. Bu gün Qətər, Səudiyyə Ərəbistanı və digər ölkələrdə aparılan tədqiqatlar göstərir ki, havanın yüksək temperaturda olmasına baxmayaraq, virus ortadan qalxmır. İndiyədək aparılan tədqiqatlarda xəstəliyin 50 faizdən çox insanlarda yoluxması haqqında fikirlər mövcud deyildi. İrlandiyada aparılan tədiqat nəticəsində xəstəliyin asimptomatik, yəni gizli şəkildə getmiş olduğu açıqlanıb. Bu da xəstəliyin yayılmasında mühüm rol oynayır".

Professor maska ilə virus yoluxma faizinə də münasibət bildirib:

"Əgər qarşı tərəf maska taxmayıbsa, xəstəliyə yoluxmada riskli olan insanın 5 fazi şansı vardır. Əgər qarşı tərəf maska istifadə edirsə, digər şəxs 95 faiz koronavirus xəstəlyindən özünün qorumuş olur".

Şəlalə Babayeva

Telegramda izləyin

instagramda izləyin