Samir Şərifov Milli Məclisdə

"Azərbaycan Respublikasının 2019-cu il dövlət büdcəsinin icrası haqqında" qanun layihəsinin Milli Məclisin komitəsində və iclasında müzakirəsinə şərait yaratdığınız üçün sizə təşəkkür edirəm".

Sonxeber.az xəbər verir ki, bunu Milli Məclisin bu gün keçirilən iclasında Maliyyə naziri Samir Şərifov deyib.
O bildirib ki, komitə sədri Tahir Mirkişili kifayət qədər qanun layihəsi barədə ətraflı məlumat verib: "Komitədə aparılan müzakirələrdə də həm müavinim, həm də özüm olan suallara kifayət qədər ətraflı cavan vermişəm. Burada səslənən sualları şərti olaraq 3 qrupa bölərdim. Birinci qrup məsələlərə aid olan suallara dövlət büdcəsinin icrasına aid olmayan, millət vəkilləri və cəmiyyəti narahat edən suallar idi. Bu məsələlərin hamısının qeydiyyatınl aparmışıq. Burada Fəzail müəllim çıxışında hər bir deputatın öz təklif və tövsiyələrini aidiyyəti qurumlara göndərmək imkanı olduğunu xatırlatdı. Biz də öz növbəmizdə bunu edəcəyik. Və nəticələri Milli Məclisə göndərəcəyik. İkinci qrup suallar növbəti illərin dövlət büdcəsi ilə bağlı qaldırılan suallar idi. Deputatlar tərəfindən qaldırılan məsələlərin həlli bir neçə büdcə ili ərzində maliyyə və texniki nöqteyi-nəzərdən mümkün deyil. Ancaq bu məsələlər də qeydə alınır və növbəti büdcənin hazırlanması ilə bağlı bu təkliflər nəzərə alınacaq. Sizi tam əmin etmək istərdim ki, hökumətin bütün orqanları burada qaldırılan məsələlərlə məşğuldurlar. Üçüncü qrup suallar bilavasitə 2019-cu ilin dövlət büdcəsinin icrası ilə bağlı məsələlərdir. Burada da olduqca peşəkar müzakirələr aparılıb.

Telegramda izləyin