"Həyatıma qəsd etməyə çalışmışam" - Ayan ağladı

"Sənət üçün qurban vermişəm, amma bu kəlməni sevmirəm. Nəyi qurban vermişəmsə, özüm bilərəm".
Axşam.az xəbər verir ki, bu sözləri müğənni Ayan Babakişiyeva "ATV maqazin onlarla" proqramında deyib. "33 sual" rubrikasının qonağı olan ifaçı aparıcı Ruslan Ağayevin suallarını cavablandırıb.

"Müğənni olmaq, yoxsa evdar xanım olmaq" sualına sənətçi "Ər çörəyi yemək" cavabını verib.

Sevgidən söz açan Ayan həyatında üç dəfə sevdiyini etiraf edib:

"Məsafələr sevgini azaldır. İnsan uzaq olanda... Hiss etdiyin insan yanında deyil, toxunub hiss edə, gözünə baxım nəsə deyə bilmirsən. Ona görə də hər şey yavaş-yavaş sönür və məhv olur.

Bir dəfə sevginin arxasınca getmişəm. İndi sevgi üçün ağlımı itirmərəm".

Babakişiyeva intihara cəhd etməsindən danışıb. O bildirib ki, ən çətin anda canına qəsd etməyə çalışıb:

"Həyatıma özüm qəsd etməyə çalışmışam. Sosial şəbəkədə ən çox sevdiyim şərh: güclü qadın. Amma insan güclü qadın olmaqdan bezir və xoşbəxt olmaq istəyir. Xəyallar qurursan, nağıllara inanırsan. Xəyalların puç olur, küncə sıxılırsan və öz varlığından, kölgəndən qorxursan. gücün çatmır, canına qəsd edirsən. Bir səs eşidirsən, öz canından bir parça... O, var və nəfəs alır. Bu, yanlış bir qərardır. Bizə bu canı Allah bəxş edib. Kimik ki, ona qəsd edək. Özünü toparlamalısan. Mənim üçün heç kimin fikri önəmli deyil. Kim haqqımda hansı şərhi verir umrumda deyil, əsas övladımın xoşbəxtliyidir".

Telegramda izləyin

instagramda izləyin