Kanalizasiya funksiyasını üzərinə götürmüş alaçiy ekspert Ərəstun Oruclu

Azərbaycanda koronavirus pandemiyasının geniş yayıldığı bir dövrdə həkimlərimizin sücayəti göz qabağındadır. Gecə-gündüz viruslu xəstələrlə işləyən həkimlərlə yanaşı əhali arasında sağlam təbliğat aparan digər tibb işçiləri də kifayyət qədərdir. Amma, bütün bu çəkilən əziyyəti pandemiya ortaya gələn kimi tibb sahəsi üzrə "ixtisaslaşmış" ekspertlər öz qeyri-peşəkar şərhləri ilə yerə vururlar. Öz işinin öhdəsindən ala-babat gələn şəxslər hər gün gah səhiyyə strukturlarına, gah həkimlərə "ağıllı-ağıllı" məsləhətlər verirlər. Bu da cəmiyyətdə çaşqınlıq yaradır, ümumi işə badalaq vurur.

Təəssüf ki belə "ekspertlər" hər sahədə mövcuddur. İxtisasca həkim olan Ərəstun Oruclu adlı şəxs isə əksinə, özünü siyasi ekspert, politoloq kimi təqdim edir. Gurultulu şərhlər verib ətrafına müəyyən oxucu kütləsi yığan hərşeyşünas Ərəstun Oruclu gecə yatıb nə görürsə səhər durub onu oxuculara şərh kimi sırıyır.

Düzdür, bir şəxsin öz ixtisası üzrə deyil, başqa istiqamət üzrə fəaliyyət göstərməsində qeyri-adi heç nə yoxdur. Nəzərə alsaq ki, həkim kimi özünü təsdiqləməyən Ə.Oruclu bəzən hətta bir-birini təkzib edən siyasi şərhlər verir, o zaman onun həm tibb işçisi, həm də politoloq kimi uğurlu fiqur olmadığını deyə bilərik. Ən əsası isə Ə.Oruclu hər zaman cəmiyyəti deyil, yalnız öz şəxsi maraqlarını düşünən bir insan kimi hərəkət edib.

İxtisasca həkim olan Ərəstun Oruclu ölkə taleyinin qəribəlikləri sayəsində 92-93 illərdə dövlət təhlükəsizlik orqanlarında 5-6 ay əməliyyatçı işləyib (necə işlədiyini də təsəvvür etmək olar), sonra gəldiyi "dalğa" ilə də qayıdıb.

Ancaq 26 ildir ki, özü və dəstəkləyici media ciddi-cəhdlə bundan "təhlükəsizlik eksperti" yapmağa çalışır. Məntiqlə, adam səhiyyə eksperti olmalı idi... ancaq yaşadığı xarici ölkənin xüsusi xidmət orqanları tərəfindən informasiya "sliv"i üçün kanalizasiya kimi istifadə olunur.

Azərbaycanda hərbi-siyasi məsələlərlə bağlı Qarabağda can qoymuş, hərb işini mənimsəmiş şəxslər açıqlama versə daha məntiqli olar. Xarici ölkələrə sığınmış keçmiş alaçiy hərbçilərin və həkim-blogerlərin hərbi-siyasi təhlilləri bəsit olduğu qədər də cəmiyyətdə çaşqınlıq yaratmaq baxımından təhlükəlidir.

Bunu dəfələrlə müxtəlif şəxslər sübut edib.

Hər şey haqda neqativ fikir bildirməyi normaldı, çünki xaricdə aldığı sığınacağın əvəzini hansısa üsulla verməlidir.

Telegramda izləyin