"Azərbaycan bankları kredit faizlərini azaldır"-EKSPERT

2020-ci ilin mart-iyul aylarında baş verən iqtisadi böhran və karantin məhdudiyyətləri Rusiya, Ukrayna, Qazaxıstan və digər postsovet ölkələrinin bank sektorunu əhalinin əmanətləri üzrə faiz dərəcələrini əhəmiyyətli dərəcədə azaltmağa məcbur edib, lakin eyni zamanda, kredit faizlərinin səviyyəsi eyni qalıb və bəzi hallarda hətta artıb.

Eyni zamanda, oxşar şəraitdə olan Azərbaycan bankları da bu mənfi halın qarşısını ala biliblər: məsələn, 1 iyul 2020-ci il tarixində milli valyutada verilən kreditlər üzrə orta faiz dərəcəsi 2019-cu ilin nəticələrinə görə 13,92% -ə qarşı 13,67% -ə enib. Milli valyutadakı əmanətlər və depozitlər üzrə orta faiz dərəcəsi bir qədər azalaraq 8,59% -ə enib ki, bu da bir sıra postsovet ölkələrində olduğundan yüksəkdir.

Mərkəzi Bank ilin ikinci yarısı üçün hansı pul siyasətini yürüdəcək? Mərkəzi Bank uçot dərəcəsini azaldacaqmı?

Mövzu ilə bağlı bank eksperti Əkrəm Həsənov Sonxeber.az-a açıqlama verib.

Bank eksperti, bank kreditləri üzrə faizləri azaltmaq üçün, ilk növbədə əmanətlərin faiz dərəcəsini azaltmaq lazım olduğunu bildirib.

Azərbaycanda əmanətlər üzrə bank faizi digər potsovet ölkələrinə nəzərən daha yüksəkdi. Bu səbəbdən bank kreditləri üzrə kerdit faiz dərəcələri stabil qalır. Bank əmanəti yüksək səviyyədə faiz dərəcəsi ilə qəbul etdiyindən, verdiklər kreditlərində faizləri də yüksək olur. Sığortalanmış əmanətlərdə 12 faiz olsa da, ilin əvvəlindən 900 milyon manatdan çox əmanət banklardan götürülüb. Bank kreditləri üzrə faizləri azaltmaq üçün, ilk növbədə əmanətlərin faiz dərəcəsini azaltmaq lazımdı və bunu edərkən həm kreditlərin həm də əmanətlərin faiz dərəcələrini eyni səviyyədə azaldılmasına diqqət yetirilməlidir.

Əks təqdirdə bu bankların zərər çəkməsinə səbəb ola bilər. Həm kredit faizlərinin, həm də əmanətçilərin faizlərinin aşağı endirilməsi banklar və sahibkarlar üçün maddi cəhətdən qazanclı olacaq. Çünki faizlərin azaldılması bankların itkisinin azalmasına, sahibkarların isə daha az faizlə çox kredit götürmək imkanlarının artmasına səbəb olacq. Məncə əmanət faizlərin endirliməsi əmanətçilərin sayının azalmasına səbəb olmayacaq, çünki insanlar əmanət qoymaq istəyirsə bunu faiz dərəcəsinə görə yox pularını evlərində saxlamamaq üçün bankalara yerləşdirilirlər.

Ekspert, Mərkəzi Bankın ilin ikinci yarısı üçün eyni pul siaysətini yürütməyə davam edəcəyini və uçot dərcəsinində azaldılacağını vurğulayıb.

Mərkəzi bank ilin ikinci yarısı üçün eyni pul siaysətini yürütməyə davam edəcək. Manatın məzzənəsinin dəyişməsinə imkan verməyəcək. Hazırkı vəziyyətdə Milli Valyutanın məzzənəsinin dəyişməz qalması daha məqsədəuyğundur. Uçot dərəcəsi nədir? Uçot dərəcəsi Mərkəzi Bankın banklara verdiyi kreditin faiz dərəcəsidir. Mən düşünürəm ki, Mərkəzi Bank pul siyasətində olduğu kimi burada da əvvəlki siyasətini davam etdirəcək. Yəni uçot dərəcsini azaldaraq bankların kredit götürmə imkanlarını artıracaq".

Türkay Həsənli

Telegramda izləyin

instagramda izləyin