Məşhur aktyor: "Könüllü olaraq Azərbaycan ordusuna yazılmağa hazıram"

Əslən azərbaycanlı olan aktyor Tamer Karadağlı Azərbaycanda könüllü olaraq orduya yazılmağa və Ermənistanla müharibə olarsa, iştirak etməyə hazır olduğunu açıqlayıb.

Sonxeber.az Publika.az-a istinadən xəbər verir ki, aktyor "Jülide Ateşle 40" verilişində qonaq olub. O, aparıcının "Azərbaycan üçün könüllü əsgərliyə gedərsinizmi?" sualına cavab verib:

"Məni bu yaşdan sonra qəbul etməzlər, amma əgər ehtiyac olsa, çağırsalar, niyə də olmasın? Bir millət, iki dövlətik deyirik. Odur ki, öz vəzifələrimizi yerinə yetirməliyik".

"Azərbaycan mədəniyyəti üçün darıxırsınızmı?" sualına isə aktyorun cavabı belə olub:

"Darıxmıram, çünki o mədəniyyəti yaşayıram. Bütün ailəmiz o mədəniyyəti yaşayırdı. Evimizdə həmişə Azərbaycan yeməkləri hazırlanırdı, xalalarım, əmilərim Azərbaycandaymış kimi danışırdılar. Hər nə qədər Azərbaycan əsilli olsam da, Bakıya ilk dəfə iki əvvəl getmək qismət oldu. Yeməkləri, insanları, danışıqları o qədər yaxın gəlmişdi ki mənə, izah edə bilmirəm".

Telegramda izləyin

instagramda izləyin