Füzuli şəhəri və kəndlərin işğaldan azad olunması ilə gəncəlilərin qisası alındı- DEPUTAT

Füzuli şəhəri və Füzuli rayonunun daha bir neçə kəndinin işğaldan azad olunması xəbərini Azərbaycan Prezidenti İlham Əliyev Gəncə hadisəsindan sonra xalqa müraciəti zamanı deyib.

Bununla bağlı Sonxeber.az-a deputat Naqif Həmzəyev danışıb:

"Ümidimiz Ali Baş Komandanımıza, ordumuzadır.

Bu gün səhər prezidentimizin çıxışını dinlədik. Bu gəncəlilərin ürəyinə müəyyən dərəcədə su səpmiş oldu. Füzuli şəhərinin və kəndlərin işğaldan azad olunması xəbərinə sevindik. Düşünürəm ki, qisas ordumuz tərəfindən mütləq alınır və alınmaqda davam edəcək, ən qısa zamanda işğal altında olan torpaqlarımız azad ediləcək. Azərbaycan bayraqları işğal altında olan kəndlərimizdə, rayon və şəhərlərimizdə dalğalanacaq. Bütün rəsmilər səhər tezdən şəhərimizdə, hadisə yerindədirlər. Xüsusi qərargah formalaşdırılıb. Burada qonşu ərazilərdə məskunlaşan vətəndaşlarla görüşdülər. Hər kəs ölkə prezidentinin ətrafında sıx birləşdiyini və qələbə sevincini eşitmək istəyir. Bizim artıq heç bir istəyimiz yoxdur. Sadəcə istəyirik ki, bu məsələ kökündən həll olunsun. Gecə hadisə baş verən yerə insanlar tərəfindən çox böyük axın var idi. Polis mülki şəxsləri hadisə yerindən uzaqlaşdırmağa əziyyət çəkirdi. İnsanlarda zərrə qədər qorxu yoxdur. Heç kim Gəncəni tərk etmir, hər kəs oz evindədir və biz qələbə gününün sevincini yaşamaq istəyir. Cənab prezidentimizin xoş müjdəli "tvit" ni oxumaq istəyirik".

Şəlalə Babayeva

Telegramda izləyin

instagramda izləyin